Vitendo 16:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Napanelo vanang'olo vene mwali ntumwa aijá pavagwene kenga lilindilililo lyave lyamalupulupu linditimbikanga, vaníntwala Paulu na muje Shilashi kupita vavautanga mpaka kwavakutawala kushiwanja shikumene shamikodyanio

Vitendo 16:19 Referans Kwoze

Vitendo 21:30

Napanelo nkaja mo shindíinjila shititimbu shakujowa namene. Dimbumba dyavanu dindyúka ditukuta vakankamule Paulu. Vakankamule vandípita vamuutanga kumumya mwing'ande ya Nnungu amulá na milango vandíshimanginneu.

Vitendo 17:6

Kanji kwodamwaa havavapatíle, vanavo vandímuutanga Yashoni pamo na vanung'unumunu vanji kuvaukanavo kwavananangalaledi vapalikaja alyo vajunga pashanya po vaashidoni, “Vanu ava vapíta vatindinganianga shilambo, nkaja amu momo vandiwika.

II Vakolintu 6:5

mukushapigwa viboko, mukungwa, muvijungulima, mushimadengo shakupwateka, muushilo bila lwono, mwindala,

Vitendo 16:16

Napane ive doni, wetu tuka kulyutu lyakushwalidya alilá, andítwidila mwali jumo ntumwa e avénavo lijini lyadyangele; jojo jo, ashindavapatiya malupulupu oe vanang'olo vake kwashimadengo shake shadyangele.

Vitendo 8:3

Napanelo Saulu alota kumalidya liganisha, ashindainjila muding'ande uti dyavakwoda apita avakamula valume na vakongwe auka ndavajela nkalaboshi.

Vitendo 15:26

vanu vajawíle shingumi shave kwamwaa walina limwe Umu wetu Yesu Klistu.

Vitendo 14:19

Napanelo mo nkaja mo, vandíwika vayuda vaantiyokiya ya ku Pishidiya na vaikoniu kutwala kuvatumbilikanga vanu vankaja amo; bai vandímwamanga majanga Paulu, kumuutanga kuka nanjaa kunyenje likaja vona kenga andipela.

Vitendo 14:5

Bai vayuda, vamidi pamo na vakutawala vave, vandyúnganila kuvauvyauvyanga na kuvaamanga majanga vamyombe.

Vitendo 9:16

nene nimwene nannodya mauvilo oe álota kumpata kwamwaa walina lyangu.”

Malukushi 13:9

“Mwenu lilaledye! Vanu vandamuukanavo mudikamati na muvitala vyakulipudidya vananshapa viboko. Kwamwaa wangu nangu mundaimila mushu mwavananangalaledi vamajimbo na mwavaumu kenga ushuda kwavanavo.

Mateu 24:9

“Napanelo vanavo vanankamula kumuukanavo ndamuuvyanga na vanammyaa. Mwemwe mundavangadika kwavenentete uti kwamwaa walina lyangu.

Tiyagu 2:6

Kanji mwenu munkumwiludyanga mmashikini. Da havanava shinu matajili vannivatíla na kumbulusha vamuukanavo kulibengi?

Vitendo 15:22

Bai vamyombe, vanang'olo pamo na liganisha uti vandyámuwa kuvatandola vanu pakati pave vampalakele Paulu namu Balinaba ku Antiyokiya. Nadoni vandívatandola vananangalaledi ava pakati pavanung'unumunu: Yudashi áshimanyika kwalina lya Balishabashi namu Shilashi

I Timoti 6:10

Mwaa kunnagwaledya njuluku ni lushija lwavyakunyata uti. Kwakuvikila liu njuluku, vanji vandyashalanga mulikulupililo na kulitalalanga kwavipalodi vyoe.

Vitendo 15:40

Paulu kanji kuntwala Shilashi kuka ling'oto lyavanung'unumunu kunkamudya kwaumonyo umwe Umu

Vitendo 16:20

kutwala kuvalodya kwavananangalaledi valibengi vaashidoni, “Vanu ava vayuda na vovo vankutimbanga likaja lyetu.

Vitendo 16:25

Napanelo ìvele kenga shilo shing'ati doni, Paulu namu Shilashi vashindashwali na vashindaimba dimu dyakuntumbyanga Nnungu akuno vakungwa vanji vavaigwilila.

Vitendo 16:29

Bai nanangalaledi waikalaboshi andíshamela shenje kutwala kwinjila shipajelo nkalaboshi akuno atatamela kuka ndaunama mushu mwake Paulu namu Shilashi.

Vapilipo 1:30

muvanavo ing'ondo yoyo yamungugwene ngutenda na ata ambi apa munkwigwa kenga ninkuka mushu ngutenda.

I Vateshalonika 2:2

Ata ikava kenga tundyúvauvanga na kutananigwa kunyata akulá ku Pilipo mo mwamumanyilile shana, tundívanavo ntima shii nkati mumwe Nnungu wetu wakummalangangila ntenga wambone wa Nnungu nkati mukupingigwa kwoe.