Vitendo 16:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Nae amwoda Paulu namu wetu ashindakugwanga pashanya po aashidoni, “Vanu ava ni vatumika vake Nnungu Wapashanya-uti; vankummalangangila indila yakwambola.”

Vitendo 16:17 Referans Kwoze

Nshuwau 14:6

Yesu kushidoni, “Nangu ni Indila, Umwiu na Shingumi. Hapali wakwida kumwe Atata pakapitila kwangu nangu.

I Patulu 2:16

Nama kenga mmanu múvele muunaiti ila hamunatumile kuliinikidya unaiti awo pakulota kutenda vinu vyakunyata; nama kenga mmatumika vake Nnungu.

Malukushi 5:7

kutwala kutangola pashanya po aashidoni, “Wako Yesu mwanagwe Nnungu Wapashanya-uti, da wako namu nangu shako nyamani? Ninkukujugwa pamevo a Nnungu, haunangupe shaushanga.”

Lukashi 4:41

Namomo majini ashindaumananga mumili mwavanu voe akuta aashidoni, “Wako, umwana wa Nnungu!” Nae ashindavashulanga, hashivaleka vatangola mwaa vanavo vanímmanya doni, nae avele Klistu.

Lukashi 4:34

aashidoni, “Iya! Yesu wa ku Nashaleti, da wetu po tukukawadidyé nyamani? Widilé ndatubamola? Nangu ndikumanya shana wako jo. Wako ni Wakwilimyanga wake Nnungu.”

Lukashi 1:79

ivalangadye avalá vapágwa mushii na mukupela na itulangalalele mwindila yaamani.

Vitendo 19:13

Napanelo vayuda vanji váshipita valaula majini aukalau, muliduva limo vandílingangila kukumulanga majini mumili vyavanu vatambulanga lina limwe Umu Yesu vaashidoni, “Palina limwe Yesu wanammalanganga Paulu, nangu ninkunnamulila, uumananga!”

Vitendo 18:26

Bai jojo jo, andítunduvanga kutangola pakajugulanga shinu pashitala shakulipudidya. Pilishila namu Akila vakamwigwe mwashitangalela, vaníntwala kumuukanavo kukaja kwave kuka nammalangangila kwankati indila yake Nnungu.

Lukashi 20:21

Nadoni vanavo vandímudya kushidoni, “Mwalimu, wetu tundimanya shana kenga wako unkutangola vinu viu na unkupundisha shana; haunatangola shinu ulola ing'ope kanji unkupundisha kwaumwiu indila yalota Nnungu.

Lukashi 1:77

Undavatadya venentete vake vamanye kwambola kwaindila yakulivalivigwa madambi ave

Malukushi 12:14

Vanavo kumuukila kutwala kushidoni, “Mwalimu, wetu tundimanya shana kenga wako ni umunu waumwiu úkananapela mumaoni avanu mwaa haunalola ing'ope yamunu kanji unkupundisha kwaumwiu indila yalota Nnungu. Napanelo ni shambone nkati mulilamulo lyetu kunnipa Shashali ukodi kwali mene? Wetu po, tunkuulula kulipa kwali mene?”

Malukushi 1:24

“Wako Yesu wa ku Nashaleti, da wetu namu wako shako nyamani? Widilé ndatumalidya? Nangu ndikumanya, wako ni wakwilimyanga wake Nnungu.”

Mateu 22:16

Nadoni vankuvatumidya vakwoda vave na vanu vashipinga shimwe Elode kuka ndamudya, “Mwalimu, wetu tundimanya shana kenga wako ni umunu waumwiu na unkupundisha kwaumwiu indila yalota Nnungu úkatakigwa kupundishigwa na munu mwaa haunalola ing'ope yamunu.

Mateu 8:29

Mwe! Vanavo kukugwanga pashanya po vaashidoni, “Yesu mwanagwe Nnungu! Da wako ulota nyamani kumili kwetu wetu? Da widilé ndatupa shaushanga wakati wake ukanava kuwika?”

Lukashi 8:28

Nae akamwone Yesu andíkutakutanga kugwilangila mmadodo mwake kutwala kutangola pashanya po aashidoni, “Yesu mwanagwe Nnungu Wapashanya-uti, da wako shako nyamani kumili kwangu? Ninkukujugwangila haunanguvyauvyange!”

II Patulu 2:2

Vanu voe vandoda shinamidyo shave shakulauka, namomo kwamwaa wavanavo vanji indila yaumwiu vandakupulu.