Vitendo 16:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Ling'oto lyakwona indoti ayo, tundílipanganiyangidyanneu kuka ku Makedoniya tumanya kenga Nnungu anditutuma tuke tukavavalangangile vamakedoniya ntenga wambone.

Vitendo 16:10 Referans Kwoze

Vitendo 14:7

Vanavo mumakaja alo, vashindavalanganga ntenga wambone.

Vitendo 27:1

Napanelo pavaukile ndaamuwa wetu twinjile mwingalava tuke ku Italiya, vanavo vaníntwala Paulu pamo na vakungwa vanji kunkamudya kumakono kwanang'olo wavaing'ondo miya walina Shulyu wamushipinga shavaitaliyani shimwe umu nang'olo.

Vitendo 26:13

Napanelo nguka, muwakati waliduva pamuti, Umu Agilipa, nangu liníngutang'anedya lilangadyo lyakwaloka kuwa, lyakushenga kupunda liduva kutwala kungutang'anedya pamo na vavangu vanguvénavo mushimwanda.

Vitendo 10:29

Ni ashi shitadídye nangu mukangusheme kwida panikava na shinyadinyadi; napanelo munkuulula kungwaulila shamungushamadile?”

Vitendo 9:10

Napanelo po pa Damashiko po, andípagwa nkwóda jumo walina Ananiya; jo Ananiya aju Umu anínshema mwindoti aashidoni, “Ananiya!” Nae doni, “Nangu Umu!”

Vitendo 16:9

Napanelo shilo Paulu indímwidila indoti: munu wa ku Makedoniya àimidile anjugwangila doni, “Shonde, amboka wide kwetu ku Makedoniya utupwashele.”