Vitendo 15:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Bai vanavo pavawikile pa Yelusalemu, liganisha, vamyombe pamo na vanang'olo vandívapwashalela landa kutwala vapaulu kuvavalangangila vinu vyatandile Nnungu na vanavo.

Vitendo 15:4 Referans Kwoze

Vitendo 15:12

Nadoni vanu uti vakadyaniénge palyutu alyo vandímalalanga na vandímwigwilila Balinaba namu Paulu pavashivalanganga vimanyikilo na vyakutikinikanga vyatandile Nnungu kwavamidi kwaindila yavanavo.

Vitendo 14:27

Pavawikile, vandíshema liganisha kutwala kuvalanganga vyatandile Nnungu kwaindila yavanavo na mwavapalalele litala vamidi pakulota vavenavo likulupililo.

Vitendo 15:3

Napanelo liganisha likavatumidye, vanavo vandípitila ku Poiniki na ku Shamaliya vavavalanganga vamidi mwavashinjiulidile mitima vyave kwa Nnungu; bai vanung'unumunu vandípuwanga namene mwaa wadyabali adyo.

Valoma 15:18

Mwenu, hangunalyalaveka shinu kutangola shoeshoe pashikava ashilá shatandile Klistu Yesu kwaindila yangu yakuvaidanavo vamidi mukwigwilila; kwalilove na kwashimadengo,

Vitendo 21:17

Bai patuwikile pa Yelusalemu, vanung'unumunu vandítupwashalela na lipuwilo lyoe.

II Nshuwau 1:10

Ikava kenga munu wantindo au andaida kwenu pakaidanavo mapundisho ala, hamunampwashalele muding'ande dyenu na ata hamunamuudyange

Vakoloshu 4:10

Alishitaliku nkúngwamwangu nae ankuntumidya mwenu nandele; namomo Malukushi binamu wake Balinaba. Ing'ano imwe Malukushi, mwenu mundipata malailililo; paida po, mpwashalele.

II Vakolintu 6:1

Napane, tukola madengo namu Nnungu tunkunnaililila hamunapwashalele bule umonyo wake Nnungu.

II Vakolintu 5:19

yani Nnungu andípagwa nkati mumwe Klistu atadya shilambo shiigwane namu jo mwene pakavavalangilila kupujungula kwave na atukamudya ntenga waliigwilanilo.

I Vakolintu 15:10

Kanji kwaumonyo wake nae nguvelé kenga mo mwanguvalalele na umonyo wake kwangu nangu haunava shinu wabule. Leka apo, nangu nditenda madengo kuvapunda vanavo uti ila hangunava shinu nangu kanji umonyo wake Nnungu uvéle nkati mwangu.

Valoma 15:7

Nadoni kalibishania kenga Klistu mwenu aninkalibisha, tenda davo po kwalishangelo lyake Nnungu.

Vitendo 21:19

Paulu akavaudyange, andívavalangangila kula shinu shantandalele Nnungu kwaindila yautumika wake pakati pavamidi.

Vitendo 18:27

Napanelo Apolu pakumbukidile kwamboka imanga kuka ku Akaya, vanung'unumunu vanínnonowanga na vandyándika ibalugwa pakulota vakwoda vakwanavo, vampwashalele. Kuwika kwake Apolu ku Akaya nae andívapwashela namene avalá ve vakulupidíle kwaindila yaumonyo

Mateu 10:40

“Ámpwashalela mwenu, angupwashalela nangu na ángupwashalela nangu, ampwashalela aijá ángutumididye.

Vitendo 11:30

Bai vandítandedya vatumidya kwavanang'olo kwaindila imwe Balinaba namu Saulu.

Vitendo 15:2

Bai ing'ano ai iníntadya Paulu namu Balinaba vapwatane yakudimba kumevo na vanu avo. Nadoni indyámuligwa pakulota Paulu namu Balinaba pamo na vanung'unumunu vanji vapaliganisha lya pa Antiyokiya vauke ku Yelusalemu vakakadyanie na vamyombe pamo na vanang'olo pakulota valalyange ing'ano ayo.

Vitendo 15:6

Bai vamyombe pamo na vanang'olo vandíkadyania pakulota valipundishe ing'ano ayo.

Vitendo 15:22

Bai vamyombe, vanang'olo pamo na liganisha uti vandyámuwa kuvatandola vanu pakati pave vampalakele Paulu namu Balinaba ku Antiyokiya. Nadoni vandívatandola vananangalaledi ava pakati pavanung'unumunu: Yudashi áshimanyika kwalina lya Balishabashi namu Shilashi

Vitendo 16:4

Napanelo mumakaja avashipita, vashindavapa vakwoda uwamushi wavaumidye vamyombe na vanang'olo ku Yelusalemu kwambangidya vatandedye.