Vitendo 15:32 - Ibibiliya mu Shimakonde Imbodi Yaambi na dimbande dya Imbodi Yakala

³² kutwala Yudashi namu Shilashi vo vene vàvele vakulava momo, vandítangola namene vavapa ntima shii na vavanonowanga vanung'unumunu.

Vitendo 15:32 Referans Kwoze

Vitendo 11:23

Balinaba akawike kwanavo akone umonyo wa Nnungu pakati pave andípuwanga namene na ashindavanonowanga vanu uti pakulota vavenavo ntima wakukulupilika na kuvalaililila havanamwambukange Umu

Vitendo 14:22

Mumakaja alo, vanavo vashindapita vavanonowanga vakwoda vavapa ntima pakulota vauke mushu mulikulupililo na vavamanyiya doni, “Indivaikila tupite mumauvilo oe kwambangidya twinjile muutawala wa Nnungu.”

Vitendo 13:1

Napanelo paliganisha lya pa Antiyokiya vandípagwa vakulava na vamwalimu kenga ava: Balinaba, Shimiyau áshimanyika kwalina lya Wakudimba, Lushiu wa ku Shilene, Manaeni munu ákulumwike pamo namu umu Elode na kupagwa Saulu.

I Patulu 5:12

Kwalipwashalelo limwe Shilivanu aijá wanimwamini kuva nung'unumunu wakukulupilika, nangu ndimwandikila mwenu kwaungwipi ninjugwangila na ngumyaa ushuda kenga: au ni umonyo wiu wake Nnungu. Pagwa mukunanopa nkati muumonyo wake Nnungu.

I Patulu 5:10

Nnungu waumonyo uti ánshamile mwenu kwalishangelo lyake líkamalilika nkati mumwe Klistu Yesu, jojo jo ling'oto lyakuvauvanga mwenu padyoko, anandyuwangidya, andamwakikisha, andamupa dimongo na anammika pashanya shitunduvangilo.

I Patulu 5:1

Doni, nangu ninang'olomwenu na ninshuda wamauvilo amwe Klistu namomo wakuliinjidyanga mulishangelo lilóta kuunukuligwa, ninkuvalaililila vanang'olo vapagwíte pakati penu,

II Timoti 4:2

valanganga lilove lyake Nnungu, ava tayali wakati uvaikidíle na úkavaikidile, shashulanga, shulanga, laililila kwaupole uti na kwakupundisha.

I Timoti 2:1

Napavedoni shitandi ninkulaililila kupagwe kujugwa, kushwali, kujugwangila na kulambwalela kwaupande wavanu uti,

II Vateshalonika 3:12

Vanu vantindo au tunkuvalamulila na kuvalaililila nkati mumwe Umu Yesu Klistu doni, vakole madengo kwaamani kwambangidya valye shakulya shavo vo vene.

I Vateshalonika 5:20

Hamunailudyange kulava

I Vateshalonika 5:14

Momo tunkunnaililila mmanung'unumunu, avalá vawondo vadume, vivadidíma mitima vapambadyange, vakudabadabanga vapwashele na ava mmapole kwavanu uti.

I Vateshalonika 4:1

Kumwisho akuno mmanung'unumunu tunkunjugwa na kunnaililila palina limwe Umu Yesu doni, kulingana kenga mo mwamupwashaladile kwetu wetu amulá muvaikidíle muname na munnagwele Nnungu kenga mwiu mwamutandela, bai wenanavo mushu mutandedya kupunda apo.

I Vateshalonika 3:2

kutwala kuntumidya Timoti aijá nung'unugwetu, mmádengomwagwe Nnungu nkati muntenga wambone umwe Klistu pakulota annonowange na amupe ntima shii kwaupande walikulupililo lyenu

I Vateshalonika 2:11

Mwaa mundimanya shana mwatupagwididye na kula munu pakati penu kenga tatamunu kwavanamunu

Vaepeshu 3:5

shipii shávakavamanyiidye vanu vadimbula dinji kenga mwashuukile ndalilodyedya kwa Imumu ambi apa kwavamyombe vakwilimyanga na vakulava.

I Vakolintu 14:32

Dimumu dyavakulava dinkulalyangigwa na vo vene vakulava.

I Vakolintu 14:29

Vakulava vavili kwali vatatu vatangole, vanji vo valalyange ashilá shitangaléka.

I Vakolintu 14:3

Napane aijá álava, atangola na vanu kwamwaa wakuvadenga, kuvapa ntima shii na kuvapambadyanga.

I Vakolintu 1:8

Nae anannonowanga mwenu mpaka kumwisho pamukaaneka makosha muliduva alilá limwe Umu wetu Yesu Klistu.

Valoma 12:8

kwali shakwing'a ntima shii, mukwing'a ntima shii, kwali shakujaula, kwantima, kwali shakulangalalela, kwaidukuduku, kwali shakulodya shididi, kwalipuwilo.

Valoma 12:6

Pakuva tunkuvanavo vyajo vyakuvilingananga kwodananavo umonyo watuukile ndapata, shikapagwa shakulavila, shindivaikila shitumike kwodananavo imbande yake yalikulupililo,

Vitendo 20:2

Shilambo asho nae andípita awanawananga avananonowanga vakwoda kutwala kuwika ku Galashiya.

Vitendo 18:23

Akaikalange maduva aikalenge pa Antiyokiya, andyúma kupita awanawananga mmaganisha a ku Galata na a ku Piligiya avanonowanga vakwoda uti.

Vitendo 15:41

na ashindapita ku Shiliya namu ku Kilikiya anonowanga maganisha.

Vitendo 15:22

Bai vamyombe, vanang'olo pamo na liganisha uti vandyámuwa kuvatandola vanu pakati pave vampalakele Paulu namu Balinaba ku Antiyokiya. Nadoni vandívatandola vananangalaledi ava pakati pavanung'unumunu: Yudashi áshimanyika kwalina lya Balishabashi namu Shilashi

Vitendo 15:1

Napanelo vanu vanji vandyúma ku Yudeya kuka ku Antiyokiya kutwala kutunduvanga kuvapundisha vanung'unumunu vaashidoni, “Mwenu vakanankumula likumbi kenga mwalilatela lidyavalelo lyake Musha, mwiko hamwambolegwa.”

Vitendo 11:27

Mumaduva lolo, vandípagwa vakulava vaumíle pa Yelusalemu kuka ku Antiyokiya.

Vitendo 2:40

Napane kwamalove anji oe ashindaumya ushuda na auka mushu avajugwangila kushidoni, “Liposhe mushaushanga shiidíla udukulu au wantau.”

Lukashi 11:49

Nimomo mwalitangaladile Limanyilo lya Nnungu doni, ‘Ndavapalakadyedya vakulava na vamyombe, vanji vandavabyaa vanji vo kuvapapata,’

Mateu 23:34

Napavedoni nangu ninkuntumididya mwenu vakulava, vanu valimanyilo na vamwalimu. Napane mwenu vovo vo, vanji mundavabyaa, vanji kuvapambilila, vanji muvitala vyenu vyakulipudidya kuvashapa viboko na vovo vo, kula likaja mundavalumbata.

Vitendo 15:3

Napanelo liganisha likavatumidye, vanavo vandípitila ku Poiniki na ku Shamaliya vavavalanganga vamidi mwavashinjiulidile mitima vyave kwa Nnungu; bai vanung'unumunu vandípuwanga namene mwaa wadyabali adyo.

Vitendo 15:27

Napavedoni tunintumidya Yudashi namu Shilashi vaide vammalangangile malove ankanywa kwa avilá vyatwandike.

Vitendo 15:31

Vanung'unumunu pavashomidye, malove alo andívapa ntima shii na vandípuwangila namene