Vitendo 15:30 - Ibibiliya mu Shimakonde Imbodi Yaambi na dimbande dya Imbodi Yakala

³⁰ Bai vanu vatumígwe avalá liganisha lindívalaila kutwala vanavo kuma kuka ku Antiyokiya. Pavawikile, vandíshema nkodyanio waliganisha kutwala kujaula ibalugwa kuvapa.

Vitendo 15:30 Referans Kwoze

Vitendo 16:4

Napanelo mumakaja avashipita, vashindavapa vakwoda uwamushi wavaumidye vamyombe na vanang'olo ku Yelusalemu kwambangidya vatandedye.

Vitendo 6:2

Bai vamyombe kumi na mbili avalá vandíshema imbumba yavakwoda uti kutwala kushidoni, “Hashinava shambone wetu kuleka kuvalanganga lilove lya Nnungu pakulota tutumike pandamu.”

Vitendo 23:33

Pavawikile nkaja amo vandítwala ibalugwa ailá kumwing'a nanangalaledi wamajimbo na kuntwala Paulu kunkamudya.

Vitendo 21:22

Napanelo tutandelé mwashi? Kwamwiu vanavo vandaigwa kenga wako undiwika nkaja amu.

Vitendo 11:19

Napanelo vakwoda vakajaikanange mwaa wakupapatigwa kuumilidíle ling'oto lyakumpedya Shiteva, vanji vandíwika mpaka ku Poiniki kutwala vanji mpaka ku Kupulu na vanji kavili mpaka ku Antiyokiya. Kanji mwavashipita mo, lilove lya Nnungu vashivavalangangila vayuda gweka bai.

Vitendo 11:20

Kanji vakwoda vanji va ku Kupulu na va ku Shilene vakawike pa Antiyokiya, vandítangonavo vagalegu vavavalangangila ntenga wambone umwe Umu Yesu.

Vitendo 11:27

Mumaduva lolo, vandípagwa vakulava vaumíle pa Yelusalemu kuka ku Antiyokiya.

Vitendo 15:22

Bai vamyombe, vanang'olo pamo na liganisha uti vandyámuwa kuvatandola vanu pakati pave vampalakele Paulu namu Balinaba ku Antiyokiya. Nadoni vandívatandola vananangalaledi ava pakati pavanung'unumunu: Yudashi áshimanyika kwalina lya Balishabashi namu Shilashi

Vitendo 15:31

Vanung'unumunu pavashomidye, malove alo andívapa ntima shii na vandípuwangila namene