Vitendo 14:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ vaashidoni, “Mwenu, mwaa shani munkutenda davo? Wetu apa, tuvanu túumbigwe kenga mwenu; apa wetu twidilé nammalangangila ntenga wambone pakulota muleke vinu vyamambinya avi, mushinjiulile mitima vyenu kwa Nnungu mumi ákandyenge kuwa na pai, imanga na vinu uti vipagwíte mumautu alo.

Vitendo 14:15 Referans Kwoze

Tiyagu 5:17

Liyashi avele munu áumbigwe kenga wetu, nae andíshwali na ntima pakulota imbula hainatonye; imbula indíimila kutonya mushilambo amu wakati wamyaka mitatu na inusu.

I Vakolintu 8:4

Napavedoni kwaing'ano yavyakulya vyavavaumidya vannungu vakushang'apa, tundimanya kenga “nnungu wakushang'apa mushilambo amu hapali,” na “hapali nnungu pakava jumo tu bai.”

Vitendo 10:26

Patulu napane kuntakatuwa aashidoni, “Takatuka! Mwaa nangu momo nimunu kenga wako.”

Maono 14:7

atangola pashanya po aashidoni, “Njope Nnungu na tumbyanga lishangelo lyake mwaa undiwika wakati waukumu. Namomo lipudye kumwe aijá ákandyenge kuwa, pai, imanga na mwadipandukenge dyundi.”

I Vateshalonika 1:9

mwaa vo vene vankuvalanganga mwashi mwamutupwashaladile na mwashi mwamunshinjiulidile Nnungu muleka kulipudya kwavannungu vakushang'apa pakulota muntumike Nnungu mumi na wiu

Vaepeshu 4:17

Nadoni ninkutangola na ninkumya ushuda nkati mumwe Umu, hamunaname kavili kenga mmamidi mukunyambikanga makumbukililo ave.

Vitendo 4:24

Vavave pavaigwite malove alo, kwaunapamo vandyúmya lidi vatangola na Nnungu vaashidoni, “Umu Wadimongo-uti úkandyenge kuwa na pai, imanga pamo na vinu uti vipagwíte amo

Mateu 16:16

Simoni Patulu patwete kujang'ula akaashidoni, “Wako Klistu mwanagwe Nnungu mumi.”

Vabalaniya 3:12

Lilaledye mmanung'unumunu, hanapagwe munu pakati penu wantima waukalau na waungakulupila untadya aapukananganavo Nnungu mumi.

I Timoti 3:15

ila nikakakova umanye mwashi mwakunamila munu nng'ande mwa Nnungu lìvele liganisha lya Nnungu mumi, libodo na shitunduvangilo shaumwiu.

Vitendo 14:21

Napanelo vanavo vakavalangange ntenga wambone pa Delebe vandítadya voe vave vakwoda. Kutwala apo, vandyújila pa Lishitala, kuma apo kuka mpaka pa Ikoniu na vandíwika pa Antiyokiya ya ku Pishidiya.

Nshuwau 7:18

Munu ánatangola yake jo mwene, alambela alipatile lishangelo jo mwene kanji aijá ánalambela lishangelo kwa aijá ántumididye, aju ni munu waumwiu na jojo jo nkati mwake, ushwang'a haupali.

Maono 22:9

Kutwala nae kushidoni, “Gwe! Haunatende davo! Nangu nintumika kenga wako pamo na vanung'unumunu vakulava na uti avalá vatandédya malove amulibuku ali. Lipudye kwa Nnungu.”

Maono 19:19

Napanelo ndímwona lidimu, vaumu vamushilambo pamo na vaing'ondo vave vàkadyanienge pakulota kuntenda ing'ondo aijá ánkwadile punda pamo na vaing'ondo vake.

Maono 19:10

Napanelo ndígwilangila mmadodo mwake pakulota ngulipudye kwake kanji nae kushidoni, “Haunatende davo! Nangu ni ntumika kenga wako na kenga vanung'unumunu vavénavo likulupililo muushuda wake Yesu. Lipudye kumwe Nnungu! Mwaa ushuda ummalangánga Yesu ni imumu yakulava.”

Vitendo 27:25

Napavedoni mwenu lyunge ntima mwaa ninkukulupila kenga Nnungu andatandedya avilá vyangwaulidile.

Vitendo 27:21

Napanelo kwodamwaa vandíikalanga maduva oe pavakalya shinu, Paulu andítakatuka pakati pave kutwala kushidoni, “Mwenu! Leka mùngwigwilidile nangu paninnaidye kuma ku Kaleta akulá, mauvilo ala na asala ai uti hamunapate.

Vitendo 27:10

aashidoni, “Mmanang'olo, ninkwona kutunduvangila ambi apa shimwanda shetu shindava shashijoidyo na shaasala ing'umene namene nkati muvyombo vyatunyukete na ingalava. Hainatoshe ata wewe tuvene inkuululika kukatoka shingumi.”

Vitendo 16:30

Nae kutwala kuvaumidya panda kuvaudya, “Mmanang'olo inguvaikidile ngutende nyamani ngwambolegwe?”

Vitendo 14:7

Vanavo mumakaja alo, vashindavalanganga ntenga wambone.

Vitendo 13:32

Nadoni wetu apa tundida nammalangangila ntenga wambone uvalánga kenga Nnungu uti avilá vyalivikile kwavanakuluvetu,

Vitendo 7:26

Palyamba lyake nae kuvona vanaishilaeli vavili vakamanana kutwala kuvaunganianga ipagwe amani aashidoni, ‘Shasho da mwenu i mmanung'unumunu? Napanelo mwaa shani munkwanalanila?’

Nshuwau 5:26

Doni, mo mwavalelenavo Atata shingumi shimpandukánga jo mwene, anintadya Mwanamunu momo avenavo shingumi shimpandukánga jo mwene

Maono 4:11

“Wako Umu, Nnungu wetu, undivaikila kupata lishangelo, ishima na dimongo mwaa wako undikandyanga vinu uti na kwalilotelo lyako vindikandyangigwa na vipali.”