Vitendo 13:46 - Ibibiliya mu Shimakonde Imbodi Yaambi na dimbande dya Imbodi Yakala

⁴⁶ Ata ikave davo Paulu namu Balinaba vandítangola pavakajugulanga shinu vaashidoni, “Indívaikila shitandi tuvalangange lilove lya Nnungu kwenu mwenu kanji kwodamwaa munkwita na munkulyapula mushingumi shíkamalilika, bai wetu mwanda au kwavamidi.

Vitendo 13:46 Referans Kwoze

Vitendo 28:28

Paulu kavili kushidoni, “Ikala mumanya doni ntenga au wakwambola wake Nnungu undipalakalegwa kwavamidi na vanavo vandaigwilila.”

Vitendo 26:20

Ndivavalangangila shitandi va ku Damashiko, kwatika ku Yelusalemu, disemu uti dya ku Yudeya namomo kwavamidi pakulota valijugulange madambi ave na vanshinjiulile Nnungu valodya vitendo kwodananavo kulijugulanga kwave.

Mateu 21:43

“Napavedoni ninkumwaulila, utawala wa Nnungu mwenu vanampoka kuvapa venentete vanji valóta kulodya vyepo vyake.

Vitendo 3:26

Nnungu pantakatuwidye ntumika wake, ampalakadidyé shitandi kwenu mwenu pakulota amwalaliye anshinjiula kula munu mushinamilo shake shakunyata.”

Valoma 2:10

kanji lishangelo, ishima na amani kwakula munu átandedya wambone; shitandi kwamuyuda ling'oto kwangalegu.

Valoma 1:16

Mwaa hangunona dyoni kwantenga wambone pakuva ni dimongo dyake Nnungu dyakwambola kwaupande wavanu uti vakulupíla; shitandi kwamuyuda ling'oto kwangalegu.

Vitendo 22:21

Kanji Umu kushidoni, ‘Wako uma mwaa nangu ngulota kukutumidya kushu namene kwavamidi.’ ”

Vitendo 13:26

“Mmanung'unumunu mmashipinga shaudukulu wake Abulaamu pamo na mwenu mmanji múnjopa Nnungu! Lilove lyakwambwalegwa aku, wavantumidididyé ni wetu.

Nshuwau 1:11

Andída kwave kanji vakwave havampwashaladile.

Vitendo 7:51

Kukumalilila Shiteva kushidoni, “Mmanu mmaimbeve, múkakumuligwe mmitima na kumatu, múmpinga ngwengwe Imumu Wanashwe. Kenga mo mwavatandalele vanyakalavenu, namwenu momo munkutandela momo.

Lukashi 24:47

na palina lyake, uvalangangigwe ntenga wakulijugulanga na wakulivalivigwa kwamadambi muvenentete uti kutunduvangila ku Yelusalemu.

Vapilipo 1:14

Namomo vanung'unumunu voe pavapatile dimongo nkati mumwe Umu kwamwaa wakungwa kwangu vandyuka ndalyalaveka kuvalanganga lilove kwabila kujopa shinu.

Vitendo 13:14

Vakaume pa Palegi vandyúka mpaka pa Antiyokiya ya ku Pishidiya kutwala muliduva lyakupumula vanavo kuka ndaikalanga pashitala shakulipudidya.

Vitendo 13:5

Pavawikile pa Salamishi, vandívalanganga lilove lya Nnungu muvitala vyamikodyanio vyavayuda na Nshuwau Malukushi avele nkúpwashela wave.

Vitendo 4:13

Napanelo vakone ntima shii umwe Patulu namu Nshuwau vamanya kenga vavele vanu vákashamidye na vanu vila tu, vandíshanga namene kutwala kwanalela kenga vovo vo, vandinama namu Yesu.

Nshuwau 4:22

Mwenu po munkulipudya kwa aijá wamukammanyite; wetu tunkulipudya kwa aijá watummanyite mwaa kwambola kunkwalakela kwavayuda.

Mateu 10:6

ila vaukile vanaishilaeli, vo vangandolo vajaikénge vo.

Vabalaniya 11:34

vandídima dimongo dyamalamba amoto, vandípalanyoka muuju walyambila; vandídabadabanga kanji vandípata dimongo, vandítandegwa kuva vadimongo kuding'ondo kutwala kuvavingilidyanga vaing'ondo vakwaloka.

Mateu 21:41

Vanavo kushidoni, “Andavamalidya uti kwaukalau kutwala lishamba lyo kuvakamudya vanji valóta kwidanavo vyepo ukawika wakati wake.”

Mateu 25:46

Bai ava vandauka kushaushanga shíkamalilika, avalá vaishaliya kuka kushingumi shíkamalilika.”

Vitendo 9:20

Nae kutunduvanginneu kwinjila muvitala vyamikodyanio apita ammalanganga Yesu doni, “Nae ni Mwana wa Nnungu.”

Vitendo 19:9

Kanji vanu vanji vashindalitaukanga, havashilota kukulupila na vashindatangola kunyata Indila paumbala wavanu. Napavedoni Paulu andyúma pakati pave pamo na vakwoda kuka ndavapundisha kula liduva pashitala shimwe Tilanu.