Vitendo 12:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Bai Patulu àvele nkalaboshi, liganisha lishindashwali vanjugwa Nnungu na dimongo mwaa wake nae.

Vitendo 12:5 Referans Kwoze

I Vakolintu 12:26

Imbandi imo ikauvauvanga, dinji dyo nadyanavo dyuvauvange kwali imbandi inji ikaishimika, dinji dyo nadyanavo dipuwange.

Tiyagu 5:16

Napavedoni, valanganila madambi enu na shwalyanidya pakulota mupone. Kushwali kwamunu waishaliya kunkuvanavo dimongo dyakutandeka vinu vyoe.

I Vateshalonika 5:17

Shwali kwabila kudoba.

II Vakolintu 1:11

mwenu mutupwashela mukushwali kwenu kwambangidya dashi, vanu voe valambwalele kwaupande wetu kwamwaa walitananilo lyatupatile kwaindila yakushwali kwavanu voe.

Mateu 18:19

Namomo ninkumwaulila doni, vanu vavili pakati penu vakaigwania mushilambo amu kwashinu shoeshoe shakujugwa, Atata ávele kuwa andavapa.

Vabalaniya 13:3

Vakumbukile avalá vaungwídye kenga muungwidye pamo namu vanavo; namomo avalá vauvauvánga kwabila shaliya vakumbukile kenga mwenu momo mmamili.

Vitendo 12:12

Patulu pamanyite shana uti víshitandeka avilá andyúka mpaka paing'ande imwe Maliya anyoke Nshuwau, Nshuwau jo áshimanyika kwalina lya Malukushi. Popo po, vandíkadyania vanu voe vashwali.

Lukashi 18:1

Napanelo nae andíkong'a nkong'o avamanyiya vakwoda vake vashwalye ngwengwe pavakaujila kunyuma

Vitendo 12:4

Patulu akakamuligwe, Elode anínjela nkalaboshi kutwala kummikila vipinga nsheshe vyamabulisha váshipishania nsheshe-nsheshe vanshunga pakulota ling'oto lyashikukulu sha Pasaka amuukumu paumbala.

Vitendo 12:6

Napanelo Elode pashilota antwale akamuukumu, shilo shosho Patulu àlele shing'ati mabulisha mavili vàkamulidile mang'unyang'unya mavili avamuungile, pannango vàpagwite mabulisha váshishunga ikalaboshi,