Vitendo 12:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Bai Elode andílamulila vannambele kanji havangwene. Nadoni nae andívalalyanga mabulisha avalá kutwala kulamulila kuvatanalanga kutwala kunyema ku Yudeya kuka ndaikala palikaja lya Shashaleya.

Vitendo 12:19 Referans Kwoze

Vitendo 16:27

Napanelo nanangalaledi waikalaboshi paimwike, akone milango vìvele mwandwa, andítwala lyambila pakulota alibyae mwaa ashona kenga vakungwa vanditipukanga.

Vitendo 21:8

Palyamba lyake, tundyúma mpaka pa Shashaleya. Pakaja apo, wetu tundyúka ndawikila paing'ande yake nkúvalanganga-ntenga walina Pilipo munu wamushipinga shavanu saba.

Vitendo 12:6

Napanelo Elode pashilota antwale akamuukumu, shilo shosho Patulu àlele shing'ati mabulisha mavili vàkamulidile mang'unyang'unya mavili avamuungile, pannango vàpagwite mabulisha váshishunga ikalaboshi,

Vitendo 12:4

Patulu akakamuligwe, Elode anínjela nkalaboshi kutwala kummikila vipinga nsheshe vyamabulisha váshipishania nsheshe-nsheshe vanshunga pakulota ling'oto lyashikukulu sha Pasaka amuukumu paumbala.

Vitendo 8:40

Bai Pilipo andílyona àvele panjini wa Ashoto. Nae ashindapita avalanganga ntenga wambone mumakaja uti mwashipita auka ku Shashaleya.

Mateu 2:13

Vakumanya-dinondo avalá vakauke, andímuumililila Yoshe mwindoti njelo wake Umu kutwala kushidoni, “Takatuka! Ntwale nunu pamo na anyoke utukutile ku Mishili. Koko ko, ikala mpaka pangulota kukumanyiya uje mwaa Elode alota kunnambela nunu ammyae.”

Vitendo 27:42

Napanelo vaing'ondo vandípakanila vavabyange mapaleshi uti mwaa wakujopadavo vandaagwalela kuka ndawika kumwangu kutwala kutipukanga.

Vitendo 25:13

Napanelo akapite maduva padyoko, umu Agilipa namu Belenishe vandyúka ku Shashaleya ndamuudyanga nanangalaledi wave Pestu.

Mateu 2:16

Napanelo Elode pamanyite doni vakumanya-dinondo vaninduwanga, nae andíshimwa namene akalamulila vavabyange vana valume uti va pa Beteleemu pamo na vammakaja anyenjemwake, vana avo vavyaka vivili kwida mwina kwodana na wakati wapatilile dyabali na vakumanya-dinondo.

Mateu 2:1

Napanelo Yesu pavalakwadidye mulikaja lya Beteleemu kulijimbo lya Yudeya muwakati washilangalela Umu Elode, vandíwika pa Yelusalemu vakumanya-dinondo vakwalakela kwalyaloka liduva

Vitendo 12:18

Napanelo wiko paushwenge, mabulisha ding'ano dyave dindívatindinganianga namene mwaa havashimanya shintandéke Patulu.