Vitendo 12:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Vakapite mautu mavili avakushunga, pavawikile pannango ukumene wavitali wavashuumila vauka kunjini, wanavo undíshimuka wene, vanavo kupita kuka vawena mwibalabala imo idikidiki kutwala muwakati wowo njelo kunnambaleka.

Vitendo 12:10 Referans Kwoze

Vitendo 5:19

Kanji shilo shake liduva alyo njelo wake Umu akashimulanga milango vyakalaboshi, akavaumidya panda kutwala kuvaulila doni,

Vitendo 16:26

Kwashingangala kuumilila shindangenda shakujowa mpaka ikalaboshi kundangenda uti, milango kushimukanginneu na vakungwa uti mang'unyang'unya kuungukanga.

Nshuwau 20:19

Napanelo paiwikile yalyulo muliduva lyolyo litandi lyaishumana, vakwoda vake pavavéle po nnango vàshimile kwamwaa wakuvajopa vayuda, Yesu andíinjila kwimila shing'ati shave kutwala kushidoni, “Amani ipagwe namu mwenu!”

Maono 3:7

“Njelo waliganisha lya ku Piladelipiya mwandikile, ‘Ala ni malove amwe aijá Wakwilimyanga na Waumwiu, ávenavo myungulilo vimwe Daudi. Shaungula nae, hapali wakunga na shaungile nae, hapali wakuungula:

Vitendo 12:4

Patulu akakamuligwe, Elode anínjela nkalaboshi kutwala kummikila vipinga nsheshe vyamabulisha váshipishania nsheshe-nsheshe vanshunga pakulota ling'oto lyashikukulu sha Pasaka amuukumu paumbala.

Nshuwau 20:26

Ishumana imo ikapite, vakwoda vake vandípagwa kavili pamo; nanae Tome kupagwa popo. Ata ikava kenga milango vandígalola, Yesu andílyumilidya pakati pave kutwala kushidoni, “Amani ipagwe namu mwenu.”