Vitendo 11:28 - Ibibiliya mu Shimakonde Imbodi Yaambi na dimbande dya Imbodi Yakala

²⁸ Napanelo pakati pave jumo walina Agabu alangalalegwa na Imumu, andímanyiya kenga mushilambo uti indaumilila indala yamadigida. Namwiu indala ayo yumilidile mumaduva amwe Kalaudiu.

Vitendo 11:28 Referans Kwoze

Vitendo 21:10

Napanelo mulyutu alyo tukaikalange maduva akudyanga, nkúlava Agabu kwaloka ku Yudeya.

Vitendo 18:2

Pa Kolintu, Paulu andíkadyania na muyuda Akila munu wa ku Pontu àwikile mwaambi aalakela ku Italiya pamo namu Pilishila nkongwe ndyagwe mwaa Kalaudiu andívakumulanga vayuda uti pa Loma. Nae andívaukila

Lukashi 3:1

Mushaka shakumi na tano shautawala umwe Umu Nang'olo Tibeliu Shashali, ku Yudeya alangalalela Ponji Pilatu, ku Galileya alangalalela Elode nung'une wavashinshema Pilipo alangalalela ku Ituleya pamo na ku Talakoniti, ku Abileni alangalalela Lishaniya,

Lukashi 2:1

Napanelo mumaduva alo Shashali Agustu andyúmya lilamulo lyakulota vanu uti vavilambo víshilangalalegwa na Loma valyandikishe.

Mateu 24:14

Nadoni ntenga wambone wautawala undavalangangigwa mushilambo uti pakulota uve ushuda kwavenentete uti kutwala kuwika mwisho.

Mateu 24:7

Venentete vandatandana ing'ondo na venentetemwave, utawala undatandana ing'ondo na utawalamwagwe. Indaumilila indala na shindangenda mumautu akuvilingananga.