Vitendo 11:18 - Ibibiliya mu Shimakonde Imbodi Yaambi na dimbande dya Imbodi Yakala

¹⁸ Bai pavaigwite malove alo, vanavo vandídimikila na kumupa lishangelo Nnungu vaashidoni, “Kumbe mwiu! Ata vamidi Nnungu andivapa kulijugulanga madambi kuka mushingumi.”

Vitendo 11:18 Referans Kwoze

II Vakolintu 7:10

Mwaa shipalodi shoodánanavo malotelo ake Nnungu shinkwidanavo kulijugulanga kuka mukwambolegwa bila kulyambila. Kanji shipalodi shamushilambo shinkwidanavo kupela.

Vitendo 20:21

ngumya ushuda kwavayuda na kwavamidi wakulijugulanga madambi kwa Nnungu na walikulupililo nkati mumwe Umu wetu Yesu.

Vitendo 5:31

Jojo jo, Nnungu animmika palyutu lyashimbili kunkanakono kwake antenda kuva Nang'olo na Mwamboli kwambangidya avape vanaishilaeli kulijugulanga na kulivalivigwa kwamadambi.

II Vakolintu 3:18

Nadoni wetu uti kwading'ope dyavakatwinikididye twaneka lishangelo lyake Umu, tunkujaluwangigwa kwaing'ope yoyo kwalishangelo kuka kulishangelo, kujaluwangigwa kwalakéla kumwe Umu àvele Imumu.

Vitendo 21:20

Vanavo vakaigwe vyavavalangangidile, vandímupa lishangelo Nnungu na vandímwaulila Paulu kushidoni, “Nung'unumunu, unkwona makumi manga avayuda vakulupidíle. Vanavo vankuvanavo dukuduku kwa Lilamulo,

Vitendo 3:26

Nnungu pantakatuwidye ntumika wake, ampalakadidyé shitandi kwenu mwenu pakulota amwalaliye anshinjiula kula munu mushinamilo shake shakunyata.”

Vagalata 1:24

Nadoni vashindamupa lishangelo Nnungu kwamwaa wangu nangu.

Valoma 9:30

Napane tuushidashi? Doni vamidi vákashivingilidya kuvalangiligwa ishaliya vandipata kuvalangiligwa ishaliya, ishaliya yoyo yalakéla kwaindila yalikulupililo

Vitendo 15:3

Napanelo liganisha likavatumidye, vanavo vandípitila ku Poiniki na ku Shamaliya vavavalanganga vamidi mwavashinjiulidile mitima vyave kwa Nnungu; bai vanung'unumunu vandípuwanga namene mwaa wadyabali adyo.

Vitendo 14:27

Pavawikile, vandíshema liganisha kutwala kuvalanganga vyatandile Nnungu kwaindila yavanavo na mwavapalalele litala vamidi pakulota vavenavo likulupililo.

Vitendo 11:1

Napanelo vamyombe pamo na vanung'unumunu ku Yudeya uti vandígwa doni, ata vamidi momo vandipwashalela lilove lya Nnungu.

Vitendo 3:19

Nadoni lijugulange na nshiliukile pakulota madambi enu alivalivigwe

Mateu 9:8

Bai imbumba yavanu paigwene shitendo asho vandíjopa namene kutwala kumupa lishangelo Nnungu ávapele vanu madalaka ainamuna ai.