Vitendo 10:45 - Ibibiliya mu Shimakonde Imbodi Yaambi na dimbande dya Imbodi Yakala

⁴⁵ Kanji vakukulupila vaaléke namu Patulu ku Yope vàvele vayuda, vandíshanga pavagwene vamidi navanavo momo Nnungu avamiminila Imumu Wanashwe

Vitendo 10:45 Referans Kwoze

Vitendo 10:23

Bai Patulu andívapwashalela vajeni vo paing'ande; palyamba lyake nae namu vanavo vandímalidya mwanda kutwala vanung'unumunu vanji va pa Yope kumpalakela.

Vitendo 2:38

Patulu kushidoni, “Lijugulange na kula munu apate ubatisho palina limwe Yesu Klistu kwakulivalivigwa kwamadambi enu na mundapata inudyo ya Imumu Wanashwe.

Vaepeshu 2:11

Napavedoni mwenu kumbukila doni, mwemwe mwe muvéle mmamidi kwamili, múshishamegwa mmashungu kwa avalá vashamégwa vakukumuligwa, shinu shavatenda mumili na makono,

Vagalata 2:15

Wetu túvele tuvayuda kwashivalakwelo i vakutega vavamidi,

Vitendo 2:33

Nae pavankwadidye vammika kunkanakono kwake Nnungu na pampatile Imumu Wanashwe walivikidile Tatamunu, andimiminila uti avi vyamwona na vyamwigwa.

Vitendo 11:3

vaashidoni, “Kumanya dashi wako kulitenda shijeni paing'ande yavanu vákakumuligwe na kulyanavo ndamu umo?”

Vitendo 11:2

Napavedoni Patulu paambweke kuka ku Yelusalemu, vakwoda vayuda vakumulígwe vanímpwatiyanga

Valoma 5:5

Mwenu, lilindilililo halinatutaa dyoni pakuva linagwaledyo lyake Nnungu lindimiminiligwa mmitima vyetu kwaindila ya Imumu Wanashwe wavatupele.