Vitendo 10:37 - Ibibiliya mu Shimakonde Imbodi Yaambi na dimbande dya Imbodi Yakala

³⁷ mwemwe mmene mundimanya shana nyamani shitandéke Yudeya uti kutunduvangila ku Galileya ling'oto lyaubatisho wavalangenge Nshuwau,

Vitendo 10:37 Referans Kwoze

Lukashi 4:14

Napanelo Yesu andyúja na dimongo dya Imumu Wanashwe kuka ku Galileya. Bai dyabali dyake dindyúmanga uti muvilambo vyashitanono namu Galileya.

Vitendo 28:22

Nadoni tundilota tukwigwe wako umwene mwawonela. Mwaa tundimanya kenga kula kushinu vanu vankuvangedya ishama yawoda wako.”

Vitendo 26:26

Apa apali umu Agilipa ámanyite shana vinu vyene uti; ni ashi shingutádya nangu ngutangole na kulitamanga pamevo pake mwaa ninkuvanavo wakika kenga pakati pavinu avi uti hashipali ata shimo shimpundíle na hashipali ata shimo shitandéke shipiipii.

Vitendo 2:22

Patulu kutwala kuka mushu aashidoni, “Mmanaishilaeli ngwigwa! Yesu nnashaleti, munu áakikishigwe pamevo penu kwavyamakango, vyakutikinikanga na vimanyikilo vyatandile Nnungu kwenu mwenu kwaindila yake nae kwodananavo mwamumanyilile mwemwe mmene,

Vitendo 1:22

kutunduvangila paubatisho umwe Nshuwau mpaka muliduva lyavantandwile Umu Yesu pakati petu kuka kuwa, jumo pakati pavalume avo ave nshudamwetu wakudyuka kwake Yesu.”

Lukashi 23:5

Kanji vanavo vashindang'ang'anikila vaashidoni, “Aju ankupita avatubya venentete na mapundisho ake ku Yudeya akuno uti kutunduvanga ku Galileya mpaka nkaja amu.”

Mateu 2:1

Napanelo Yesu pavalakwadidye mulikaja lya Beteleemu kulijimbo lya Yudeya muwakati washilangalela Umu Elode, vandíwika pa Yelusalemu vakumanya-dinondo vakwalakela kwalyaloka liduva

Mateu 3:6

Vanavo vashindabatishigwa namu nae mulundi lwa Yudani akuno valivalanganga madambi ave.

Vitendo 10:36

Kwaupande walilove lyatumididye nae kwavanaishilaeli livalangánga ntenga wambone waamani kwaindila imwe Yesu Klistu àvele Umu wavanu uti,

Vitendo 10:38

mwashi mwampakidile mauta Yesu wa ku Nashaleti kwa Imumu Wanashwe na dimongo kutwala nae kuwena atandedya wambone apita avaponia vanu váshitawaligwa na Ndamoni mwaa Nnungu andípagwa namu nae.