Vitendo 1:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Vanu avo, yani Patulu, Nshuwau, Tiyagu namu Andaleya, kwida Pilipo, Tome, Balutolomeu namu Mateu, kwatika Tiyagu mwanagwe Alupeu, Simoni aijá Shelote namu Yudashi mwanagwe Tiyagu, pavawikile nkaja amulá vandyúka ndainjila mushumba shavawikidíle shapashanya ulungu.

Vitendo 1:13 Referans Kwoze

Vitendo 20:8

Mushumba shaigalopa shatuvéle dindípagwa dikalaboi dyoe dishikalela.

Lukashi 22:12

Nae anannangudya lyutu lyakulyandaula shana livenavo vinu uti; mwenu panganianga popo.”

Malukushi 14:15

Nae anannangudya nshana wakulyandaula shana úvenavo vyombo uti, bai mwenu panganianga popo po.”

Malukushi 2:14

Pashipita awena, andímwona Lawi mwanagwe Alupeu àikele nshitala shaukodi kutwala Yesu kushidoni, “Ngwoda!” Nae kutakatuka kumwoda.

Tiyagu 1:1

Nangu Tiyagu ntumwa wake Nnungu na umwe Umu Yesu Klistu, ninkuntumidya nandele vampate makola kumi na mbili amwadilikanénge muvilambo uti.

Vitendo 12:17

Patulu kung'aniang'anianga nkono kuvamaladya kutwala kuvavalangangila mwamuumididye Umu nkalaboshi kutwala kushidoni, “Tiyagu jo pamo na vanung'unumunu, vavalangangile.” Nae kutwala kuma kuka kulyutu linji.

Vitendo 2:38

Patulu kushidoni, “Lijugulange na kula munu apate ubatisho palina limwe Yesu Klistu kwakulivalivigwa kwamadambi enu na mundapata inudyo ya Imumu Wanashwe.

Yudashi 1:1

Nangu Yudashi ntumwa umwe Yesu Klistu na nene ni nung'une Tiyagu, kwenu mwenu mmakushamegwa múnagwaleka nkati mumwe Nnungu Atata na múshungigwa kwamwaa umwe Yesu Klistu.

Vagalata 2:9

Nadoni vamanya umonyo wangupatile, Tiyagu, Kepashi namu Nshuwau, vo váshaaneka kuva mabodo, vandítuwanidya makono akulodya upamo namu wetu, yani nangu namu Balinaba. Vanavo vandíkubali wetu tuve kwavamidi, vanavo kwavayuda

Vagalata 1:19

Koko ko, handivagwene vamyombe vanji ila Tiyagu nung'une Umu.

Vitendo 15:13

Napanelo vanavo pavamalidile kutangola Tiyagu kushidoni, “Mmanung'unumunu, ngwigwa!

Vitendo 4:19

Kanji Patulu namu Nshuwau kuvajang'ula kushidoni, “Da ni shambone pamevo pake Nnungu kumwigwilila mwenu kwali kumwigwilila Nnungu? Amuwa mwemwe mmene!

Vitendo 4:13

Napanelo vakone ntima shii umwe Patulu namu Nshuwau vamanya kenga vavele vanu vákashamidye na vanu vila tu, vandíshanga namene kutwala kwanalela kenga vovo vo, vandinama namu Yesu.

Vitendo 2:14

Napanelo Patulu andítakatuka pakati pavavagwe kumi na moja avalá kutwala kutangola pashanya po, amanyiya imbumba kushidoni, “Mmayudeyamwangu pamo na mwenu múnama pa Yelusalemu, tela matu enu mwigwe vyangulota kummalangangila.

Nshuwau 21:2

mulyutu alyo vandípagwa pamo Simoni Patulu, Tome áshimanyika Didimu, Nataniyele wa ku Kanaa ya ku Galileya, vanavake Shebedeu na vakwoda vanji vavili.

Nshuwau 18:17

Mwali jo kumudya Patulu, “Da wako i unkwóda pakati pavakwoda vake munu aju?” Nae kushidoni, “Mene, hangunava nangu.”

Nshuwau 11:16

Napanelo Tome, aijá áshimanyika Didimu, andívaulila vavagwe kushidoni, “Leka tuke tukapalange pamo namu nae.”

Malukushi 14:33

Nae ankuntwala Patulu, Tiyagu namu Nshuwau kutunduvanga kwangaikanga na kumwida matuva

Malukushi 9:2

Akapite maduva sita, Yesu akantwala Patulu, Tiyagu namu Nshuwau kuvaukanavo kushinu kwagweka kulishinga lyakukulumuka. Koko ko, nae kujalukanga pamevo pave;

Malukushi 5:37

Nae andíleya kumwoda munu woewoe ila antwete Patulu, Tiyagu namu Nshuwau nung'une Tiyagu.

Mateu 9:9

Napanelo Yesu paumile apo andímwona munu jumo walina Mateu àikele pashitala shaukodi. Nae kumwaulila doni, “Ngwoda!” Mateu kutakatuka kumwoda.

II Nshuwau 1:1

Kwanang'olo kuka kwankongwe wakutandalegwa pamo na vanavake, vo vandivanagwaledya kwaumwiu na i gweka nangu ndivanagwaledya kanji namomo uti avalá vamanyíte umwiu,

I Vakolintu 15:7

Kutwala apo, kumuumilila Tiyagu ling'oto kuvaumilila vamyombe uti.

Nshuwau 14:22

Napanelo Yudashi kanji i aijá Shikaliyote kushidoni, “Nang'olo, ilota kuululika dashi wako kulilodya kwetu wetu gweka bila shilambo?”