Vapilipo 2:22 - Ibibiliya mu Shimakonde Imbodi Yaambi na dimbande dya Imbodi Yakala

²² Kanji napane mwenu mundimanya mana aanakanénge kwake nae mwaa kenga mwana na tatamunu, nae anditumika namu nangu muntenga wambone.

Vapilipo 2:22 Referans Kwoze

I Vakolintu 4:17

Kwaing'ano ai nintumidya kwenu Timoti mwanangu wakunagwaleka na wakukulupilika nkati mumwe Umu; nae anankumbuwanga mwangunamila nkati mumwe Klistu Yesu kwodananavo amulá mwangupundishidya mumautu uti kwakula liganisha.

II Timoti 1:2

kumwe Timoti mwanangu wakunagwaleka. Umonyo, shididi na amani vyakwalakela kumwe Nnungu Tatamunu namu Klistu Yesu Umu wetu, vipagwe kwako wako.

I Timoti 1:2

kumwe Timoti mwanangu waumwiu nkati mulikulupililo. Umonyo, shididi na amani vyakwalakela kumwe Nnungu Tatamunu namu Klistu Yesu Umu wetu, vipagwe kwako wako.

II Vakolintu 2:9

Ni kwashabaa ai, nimwandikila mwenu pakulota nintende nningo wakummanya kenga kwali muvinu uti, munkuva mmakwigwilila.

I Timoti 1:18

Lilailililo ali ninkukukamudya mwanangu Timoti kwodananavo malavilo atangaléke kwamwaa wako kwambangidya dashi, kwaindila yaanavo utende ing'ondo yo yambone

II Vakolintu 8:22

Tunkuntumidya napane pamo na vanavo nung'unumunu junji, jojo jo, myanda vyoe na kwadinamuna dyoe tunintenda nningo kutwala kumwona kuva munu átumbama namene kanji napane ankuvanavo dukuduku yoe kwamwaa walikulupililo lyavenavo kwenu mwenu.

Titu 1:4

kumwe Titu mwanangu waumwiu nkati mulikulupililo lyetu lyaupamo. Umonyo na amani vyakwalakela kumwe Nnungu Tatamunu na kumwe Klistu Yesu Mwamboli wetu, vipagwe kwako wako.

II Timoti 3:10

Kanji napane wako undyodedya pepi-pepi mapundisho angu, shiwanedi shangu, nnugu wangu, likulupililo lyangu, kulipililila kwangu, linagwaledyo lyangu, kunanopa kwangu,

Vapilipo 2:20

Mwaa hanguvenavo munu junji ávenavo makumbukililo lolo álota kumwangaikangila mwenu mwiu mwiu.

II Vakolintu 8:24

Napavedoni pamevo pamaganisha, valodye umwiu walinagwaledyo lyenu na shabaa yatulyumidya wetu shumbi kwenu mwenu.

II Vakolintu 8:8

Avi ninkutangola i kenga lilamulo kanji pakulota ninninge ngulinganianga na kutumbama kwavanji kenga linagwaledyo lyenu lyaumwiu.

Vitendo 16:2

Jo Timoti aju, vashinammalanganga wambone vanung'unumunu va pa Lishitala na va pa Ikoniu.

Valoma 5:4

kulipililila kunkwidanavo umana kutwala umana kwidanavo lilindilililo.

I Vakolintu 16:10

Paida Timoti po, mwenu ntadye nae aligwe shana pakati penu mwaa jojo jo, ankukola madengo ake Umu kenga nene.

Vapilipo 1:5

kwamwaa waupamo wenu nkati muntenga wambone kutunduvangila liduva litandi mpaka nelo.

Vapilipo 1:7

Ni shinu shivaikidíle shakunkumbukila nangu mwenu uti mwaa nangu nimmika muntima mwangu; ata mukungwa kwangu na ata mukushililidya kwali mukwakikisha ntenga wambone, uti mwenu ni mmakumajananga nanangu muumonyo.

Vapilipo 1:12

Ngulota mmanung'unumunu mumanye doni avilá vingutandéke, kwakutangola mwiu vyanavo vindipwashela kwandadya ntenga wambone

Vapilipo 1:16

Ava vankutenda kwalinagwaledyo vàmanyite doni Nnungu angupangidilé kushililidya ntenga wambone.

I Timoti 4:6

Ukavaulila vinu avi vanung'unumunu, undava ntumika wambone umwe Klistu Yesu ulidyavalakedya kwamalove alikulupililo na amapundisho ambone awodedya.