Vapilipo 2:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ Vanji uti vaangaikangila vyave i vimwe Klistu Yesu.

Vapilipo 2:21 Referans Kwoze

I Vakolintu 10:24

Munu hanalambele wambone wake jo mwene kanji wamunu junji.

Mateu 16:24

Bai kutwala kuvaulila vakwoda vake doni, “Munu akalota kungwoda nangu, alishukulu jo mwene anyukate nshalaba wake angwode.

Vapilipo 2:4

Kula munu angaikange i gweka yake jo mwene kanji namomo yavanu vanji.

II Timoti 3:2

Mwaa vanu vandava vakulinagwaledya vo vene, vakunagwaledya njuluku, vakulitumbyanga, vakulyona, vakwabola, vákavaigwilila vatatamunu, vákalambwalela, vákanjopa Nnungu,

I Vakolintu 10:33

kulingana mo mwandivanagwaladyedya nangu vanu uti muuti mene kulambela paida yangu kanji yavanu voe pakulota vaambolegwe.

I Vakolintu 13:5

halinava lijinga, halinalambela vyake jo mwene, halinashimwa, halinakondya vyakunyata,

Lukashi 14:26

“Munu akaida kwangu alota kungwoda nangu kanji akanamwiludyanga tatake, anyoke, ndyagwe, vanavake, vakuluvake kwali vanung'unuvake, valumbuvake na ata kwiludyanga shingumi shake, hava shinu nkwóda wangu.

II Timoti 4:10

Mwaa Demashi kwakunagwaledya wakati au, aningwambukanga kutwala kuka ku Teshalonika. Keleshete kuka ku Galata, Titu kuka ku Dalamashiya.

II Vakolintu 1:5

Mwaa, kenga mo mwatuumbaligwidya wetu mauvilo amwe Klistu nimumo momo kwaindila imwe Klistu kupambadyanga tunkuumbaligwa kwetu wetu.

II Timoti 4:16

Mukulishililidya kwangu kutandi, hapali munu ata jumo e avéle upande wangu, uti vaníngwambukanga. Kwashitendo ashi, havanavalangiligwe.

Vitendo 15:38

Kanji Paulu hashona kuva shambone vamuukenavo aijá e alyumadyénge ku Pampiliya na ákaukile na vanavo kushimadengo

Vitendo 13:13

Paulu na vavagwe vakaume pa Papu vandíkwela mwingalava kuka mpaka pa Palegi shilambo sha ku Pampiliya, napane Nshuwau Malukushi andívaleka kuujila ku Yelusalemu.

II Timoti 1:15

Wako undimanya doni uti vamulijimbo lya ku Ashiya vaningwambukanga, pakati pave Pigelu namu Elimogeneshi.