Vapilipo 1:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ mùumbaligwidye shepo shaishaliya shaalóka kwaindila imwe Yesu Klistu kwalishangelo na kwakutumbyangilika kumwe Nnungu.

Vapilipo 1:11 Referans Kwoze

Vabalaniya 12:11

Kuduma uti hakunanagwaleka pavaduma ila shiva shipalodi kanji napane ling'oto lyakuduma, vipatikananga vyepo vyaishaliya na amani kwa avalá vaukíle ndalinguligwa.

Nshuwau 15:8

Ni amu mwapatila Atata lishangelo; mwenu mukapa vyepo vyoe mukalilodya kuva mmakwoda vangu.

Vakoloshu 1:10

kwambangidya muname shinamidyo shimmaikíla Umu, vinnagwela muuti, mupa vyepo mushimadengo uti shambone, mukulumuka mukummanya Nnungu,

Vapilipo 4:17

I do, ninkulambela shadaka shenu kanji shangulambela ni vyepo vyakwanjedya paida yenu.

Vakoloshu 1:6

umwikidíle mwenu wo. Ntenga au, undauka mushu upa vyepo shilambo uti na unkukulumuka kenga mo mwaivalalele kwenu mwenu kutunduvangila muliduva lyamwigwite na kumanya umonyo wake Nnungu muumwiu

Valoma 6:22

Kanji napane mwenu múukile ndaombolegwa mulidambi na kutandegwa mmatumwa vake Nnungu, vyepo vyamupata vyo vinkumuukanavo kukwilimyanga na kumwisho kwake ko, shingumi shíkamalilika.

I Patulu 2:9

Kanji napane mwenu ni likola litandalagwídye, unashilangola washiumu wakupalakedya shadaka, venentete vakwilimyanga, venentete vake jo mwene kwambangidya muvalangange ukumene wake aijá ánshamile mushii muke kulilangadyo lyake lyamakango.

II Vateshalonika 1:12

kwambangidya dashi, lina limwe Umu wetu Yesu lipate lishangelo nkati mwenu na mwenu nkati mwake kwakwodananavo umonyo wa Nnungu wetu na umwe Umu Yesu Klistu.

Vaepeshu 5:9

shepo shalilangadyo shivéle nkati muwambone, mwishaliya na muumwiu,

Vaepeshu 1:14

nae jo àvele kulivikila kutandi kwamaleko etu mpaka kwambwalegwa kwa avalá vake Nnungu kwakutumbyangilika kwalishangelo lyake.

I Vakolintu 10:31

Napavedoni, ikava kenga munkulya kwali munkukumbila kwali munkutenda shoeshoe, tenda kwalishangelo lyake Nnungu.

Mateu 5:16

Nadoni inimmaikila lilangadyo lyenu limulike pakati pavanu pakulota vone matendo enu ashalowa na vamupe lishangelo Tatagwenu ávele kuwa.

I Patulu 4:14

Mwenu ikava kenga munkutukanigwa kwamwaa walina limwe Klistu, bai mwenu mundyalaligwa mwaa Imumu walishangelo àvele Imumu wake Nnungu, ankutulila pamuti penu.

I Patulu 2:12

Shinamidyo shenu shive shashalowa pakati pavamidi; nadoni ata vakantambudyanga kutenda vyakunyata, pavalota kwona vitendo vyenu vyashalowa, vanavo vandamupa lishangelo Nnungu muliduva lyalota kulilodya.

I Patulu 2:5

namwenu momo kenga majanga mangumi, munkudangegwa ing'ande yaimumu pakulota muve unashilangola wakwilimyanga wakupalakedya shadaka kwambangidya mumye shadaka shaimumu shikubalíka namu Nnungu kwaindila imwe Yesu Klistu.

Vaepeshu 2:10

Mwaa wetu ni viumbi vyake Nnungu túkandyangigwe nkati mumwe Klistu Yesu kwavitendo vyambone vyapanganienge tangu kala wetu tuname muvyanavo.

Vaepeshu 1:12

pakulota tupagwe kwakutumbyangilika kwalishangelo lyake, wetu tuvatandi túnkulupidile Klistu.

II Vakolintu 9:10

Mwenu, Nnungu ájaula imbeju kwankúlima na ligung'u pakulota tulye, jojo jo andamupa na anaanjadyedya imbeju yenu na andatadya ainjipike mapuno aishaliya yenu.

Nshuwau 15:16

I mwenu múngutandwele, ila ni nangu níntandwele mwenu na kuntenda muke mukape vyepo na vyepo vyovyo vyo, havinaunde pakulota shoeshoe shamulota kunjugwa Atata palina lyangu, nae amupe.

Nshuwau 15:2

Kula lutavi lúkapa vyepo nkati mwangu nae andausha na kula lutavi lúpa vyepo, andapangulangila pakulota lupe namene.

Valoma 15:28

Nadoni pangulota kumalila shimadengo asho na kuvakamudya aulá nshango utandéke kwamwaa wavanavo, ndapita ninnola mwenu nguka ku Eshipanya.

Titu 3:14

Vetu wetu vo, valipundishe kwangaikangila vitendo vyambone pakulota vaangangalange vinu vikumene vitakígwa na havanave vákapa vyepo.