Vapilipo 1:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ kwambangidya dashi, mupambule shakwashi shivénavo mana makumene pakulota muve mmanu mmaiu na múkave makosha muliduva limwe Klistu

Vapilipo 1:10 Referans Kwoze

Valoma 12:2

Hamunalilinganiange na shinamidyo shawakati au kanji mubadilike kwaindila yakunonowangigwa muding'anong'ano dyenu kwambangidya mutende nningo mwanalela akwashi malotelo ake Nnungu, ambone, akunagwaleka na ashalowa-uti.

I Vateshalonika 3:13

kwambangidya dashi, mitima vyenu vinonowangike mukwilimyanga pakulota vive víkave makosha pamevo pake Nnungu, jo Tatagwetu mukwida kwake Umu wetu Yesu pamo na vakwilimyanga vake uti.

I Vateshalonika 5:23

Napanelo jo mwene Nnungu waamani anjaluwangidye uti mukwilimyanga na imumu yenu, ungumi wenu na mili vyenu uti vikondyegwe pavikavanavo makosha mukwida kumwe Umu wetu Yesu Klistu.

Valoma 2:18

wako úmanyite shana malotelo ake Nnungu na úungila nkono shakwashi shivénavo mana makumene pakuva upundishigwidyé mulilamulo,

Vaepeshu 5:10

mwenu likanyalidye kupambula ashilá shinnagwéla Umu.

I Nshuwau 4:1

Mmakunagwaleka, hamunakulupile kula imumu kanji tenda nningo dimumu adyo ikava kenga dyaloka kwa Nnungu mwaa mushilambo amu vandyumilila vakulava voe vakushang'apa.

Vapilipo 1:6

Ninkuvanavo wakika kenga aijá átunduvenge shimadengo shambone nkati mwenu, andatadya shiwikile popo mpaka muliduva limwe Klistu Yesu.

I Vateshalonika 5:21

kanji tenda nningo vinu uti mutwale mukamulile ashilá shambone.

I Vakolintu 1:8

Nae anannonowanga mwenu mpaka kumwisho pamukaaneka makosha muliduva alilá limwe Umu wetu Yesu Klistu.

Maono 2:2

“ ‘Nangu ndimanya vitendo vyako, kulyuvyauvyanga kwako, kunanopa kwako na haunavapambedya shinu avalá vatandédya vyakunyata; namomo undivatenda nningo valivíka kuva vamyombe kumbe vákavele kutwala kuvaanalela kuva vakushang'apa.

Vaepeshu 5:27

kwambangidya alikamudye jo mwene liganisha lyalishangelo, líkave lilemba na ata unyadi kwali vinu vyoevyoe kenga avyo kanji lyakwilimyanga na líkave makosha.

Nshuwau 1:47

Yesu kumwona Nataniyele amwidila kutwala kushidoni, “Mwenu! Aju ni mwishilaeli mmwiu ákave malambi.”

Mateu 16:23

Yesu kushiliuka kushidoni, “Tumuka mushu mwangu Shatwani! Wako ni lijanga lyakungutadya ngulikuvale. Wako haunakumbukila shinu mwakumbukilila Nnungu, ukumbukila mwavakumbukilila vanu.”

II Vakolintu 1:12

Kulitamanga kwetu ni aku, makumbukililo etu amuntima ankumya ushuda kenga mwatunamila mushilambo amu na kupunda namene kwenu mwenu kuvelé kwakulishapeya na ushalowa walóka kumwe Nnungu i kwalimanyilo lyashimunumunu kanji kwaumonyo wake Nnungu.

Valoma 12:9

Linagwaledyo live líkave shinankulaba. Vangedya ashilá shakunyata na kamulila ashilá shambone.

Valoma 8:7

Doni, ding'anong'ano dyashimunumunu ni umongo kwake Nnungu mwaa hadinalivika shinu mwina mwake lilamulo lyake Nnungu na ata hadinaulula kutandedya.

Mateu 26:33

Patulu kutwala kushidoni, “Ata ikava kenga vavangu ava uti vandakuleka, nangu mwiko handikuleka!”

Vapilipo 1:16

Ava vankutenda kwalinagwaledyo vàmanyite doni Nnungu angupangidilé kushililidya ntenga wambone.

Vaepeshu 6:24

Umonyo upagwe na avalá uti vannagwalédya Umu wetu Yesu Klistu kwalinagwaledyo líkave mwisho.

Vaepeshu 4:15

Napane patukamulila umwiu nkati mulinagwaledyo, indituvaikila tukulumuke tùpagwite mwake nae muvinu uti, aijá ávele muti, jo Klistu aju.

Vagalata 5:11

Mmanung'unumunu, ikava kenga nangu mpaka ambi ninkuvalanganga likumbi mwaa shani ninkupapatigwa? Leka ìvele davo, bai kunyatilika kwanshalaba kundiputangigwa.

II Vakolintu 8:8

Avi ninkutangola i kenga lilamulo kanji pakulota ninninge ngulinganianga na kutumbama kwavanji kenga linagwaledyo lyenu lyaumwiu.

II Vakolintu 6:3

Hatumpele munu ishaliya yakulota kulikuvala kwambangidya utumika wetu, haunaaneke makosha.

II Vakolintu 2:17

Wetu hatunava shinu kenga voe vatandéla nshulusho lilove lyake Nnungu kanji kenga tuvanu vaumwiu, kenga tuvanu twaloka kwa Nnungu, pamevo pake Nnungu na nkati mumwe Klistu, tunkutangola.

I Vakolintu 10:32

Hamunavatadye shinyadinyadi vayuda kwali ata vagalegu na ata liganisha lya Nnungu

I Vakolintu 8:13

Napavedoni, ikava kenga shakulya shinkuntadya nung'unumunu kulikuvala, mwiko hangumamena inyama kwambangidya hangunantadye nung'unumunu kulikuvala.

Valoma 16:17

Ninkunnaililila mmanung'unumunu pakulota mulishunge kwa avalá váidanavo kujavanikana na kuvika ligogo mapundisho amulipundishidye mwenu. Vaambukange vanu avo!

Valoma 7:22

Mwenu, nkati muntima mwangu ninkupuwangila lilamulo lyake Nnungu

Valoma 7:16

Napane ikava kenga ashilá shandikalota ninkutenda, bai ninkuungila nkono kenga lilamulo, lyambone.

Vitendo 24:16

Ni ashi shingutádya nangu ngwengwe ngukukule pakulota nguvenavo makumbukililo ambone amuntima pamevo pa Nnungu na pavanu.

Nshuwau 3:20

Kula munu ánatenda vyakunyata andávangedya lilangadyo na hanavandika kulilangadyo pakulota vitendo vyake vyo havinalale panda.

Vapilipo 2:16

mùkamulidile lilove lyashingumi kwambangidya muliduva limwe Klistu nangu ngulitamange kenga hangutukwite monyo na ata hangukadile shimadengo shamonyo.