Valoma 8:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Mwenu napane hamupali mushimunumunu kanji muvelé mu Imumu ikava kenga mwiu Imumu wake Nnungu ankunama nkati mwenu. Mwenu, munu ákavenavo Imumu umwe Klistu, jojo jo hanava shinu umwe Klistu.

Valoma 8:9 Referans Kwoze

Vagalata 4:6

Pakuva mwenu po mmana, Nnungu anintumidya Imumu wamwanagwe mmitima mmyenu; ni jojo áshema, “Aba! Atata!”

I Vakolintu 3:16

Da hamunamanya shinu kenga mwenu ni ing'ande yake Nnungu na Imumu wake Nnungu ankunama nkati mwenu?

II Timoti 1:14

Ashilá shambone shaukile ndakulupilika, shunga kwa Imumu Wanashwe ánama nkati mwetu.

I Vakolintu 6:19

Kwali, da hamunamanya shinu kenga mili vyenu mwenu ni ing'ande yake Imumu Wanashwe ánama nkati mwenu wamumpatile mwenu kumwe Nnungu? Mwenu hamunava shinu mwemwe mmene

Valoma 8:11

Na ikava kenga Imumu umwe aijá ándyuwidye Yesu pakati pavakupela ankupagwa nkati mwenu, jo ándyuwidye Klistu pakati pavakupela andaing'a momo shingumi mili vyenu vyakupela kwaindila ya Imumu wake ápagwa nkati mwenu.

Nshuwau 14:17

aijá Imumu Waumwiu. Nae shilambo hashuulula kumpwashalela mwaa hashinamwona shinu na hashinammanya shinu. Mwenu munimmanya mwaa ankunama namu mwenu na andapagwa nkati mwenu.

Vaepeshu 1:13

Nkati mwake namwenu momo pamwigwite ntenga waumwiu, ntenga wambone wo umwambwéle; mwenu múnkulupidile nae, mundinamatiligwa kwa Imumu Wanashwe wakulivikila,

Vagalata 5:24

Vamwe Klistu Yesu, shimunumunu shave vandikamela panshalaba pamo na ditamaa na malotelo ake.

Vaepeshu 2:22

Namwenu momo nkati mwake munkudangegwa pamo pakulota muve lyutu lya Nnungu kwaindila ya Imumu wake.

Valoma 8:2

mwaa nkati mumwe Klistu Yesu, lilamulo lya Imumu washingumi liningwambola mulilamulo lyalidambi na lyakupela.

Nshuwau 3:6

Doni, shivalékwa kwamili, mili na shivalékwa kwa Imumu, imumu.

Vapilipo 1:19

mwaa ndimanya kenga kwaindila yakushwali kwenu na lipwashalelo lya Imumu umwe Yesu Klistu, asho shindapa vyepo mukuunguligwa kwangu.

I Nshuwau 4:13

Amu ni mwatumanyila kenga tunkupagwa nkati mwake na nae nkati mwetu mwaa anditupa Imumu wake.

Lukashi 11:13

Bai ikava kenga mwenu mmanu mmakalau munkumanya kujaula vinu vyambone kuvapa vanavenu, Atata nimpomo nae kuwa ko, ananjaula Imumu Wanashwe kuvapa avalá vanjúgwa.”

I Nshuwau 4:4

Mmanavangu, mwenu apa mmàke Nnungu nadoni mundivatema avalá vakulava vakushang'apa mwaa aijá ápagwite nkati mwenu ni nkumene kumpunda aijá ápagwite mushilambo amu.

I Vakolintu 15:23

Kanji kwakula munu na mwanda wake: Klistu kuva shepo shitandi, ling'oto kwatika vamwe Klistu mukwida kwake.

I Nshuwau 3:24

Aijá áigwilila malamulo ake ankupagwa nkati mwake Nnungu na nae nkati mwake. Tundimanya kenga nae ankupagwa nkati mwetu kwaindila ya Imumu watupele.

II Vakolintu 6:16

Da lipagwité lyunganilo shani pakati paing'ande ya Nnungu na vannungu vakushang'apa? Mwaa wetu ni ing'ande ya Nnungu mumi. Kenga mwatangalela Nnungu, “Ndatenga lyutu kwavanavo ndawena pakati pave, nangu ndava Nnungu wave, vanavo vandava venentete vangu.”

Nshuwau 3:34

Aijá wantumididye Nnungu atangola malove ake Nnungu mwaa nae andimupa Imumu íkave shipimo.

I Patulu 1:11

Imumu umwe Klistu e apagwíte nkati mwave andyumya ushuda kaladavo avalanganga mauvilo alóta kumpata Klistu na lishangelo ling'oto lyamauvilo; vanavo vashindalambela vamanye Imumu ishimwamba nyani na wakati wene wo, wakwashi.

Maono 20:15

Napane aijá líkaaneke lina lyake mulibuku lyashingumi, andíjalegwa mulitanda lyamoto.

Maono 13:8

Vanu uti vanáma mushilambo shapai, vandalipudya kwake nae, vanavo ni avalá vákaandikigwe mena ave mulibuku lyashingumi lya Ngandolo ábyaigwe tangu kala pavakandyenge shilambo.

II Vakolintu 10:7

Mwenu mulola vinu kwapanda tu. Ikava kenga munu ankulikulupila jo mwene kuva umwe Klistu akumbukile kavili jo mwene shinu ashi: kenga mo mwavalalele nae umwe Klistu, nawetu momo tuvamwe Klistu.

Nshuwau 14:23

Yesu kunjang'ula doni, “Woewoe akangunagwaledya andaigwilila malove angu, Atata anannagwaledya na wetu tundamwidila kutwala kutenda lyutu pamo namu nae.

Vitendo 16:7

Pavawikile pa Mishiya, vandílingangila vauke ku Bitiniya kanji Imumu wake Yesu havalataléle vauke.

Valoma 7:5

Mwaa patushinama mumavalelo etu ashimunumunu, ditamaa dyalidambi dikang'alegwa na lilamulo dishindakola madengo mudimbande dyetu dyamumili kwambangidya tupe vyepo vituúkanavo kukupela.

Valoma 8:1

Napavedoni ambi apa hakupali kuukumigwa kwa avalá vavéle nkati mumwe Klistu Yesu

I Vakolintu 6:17

Kanji aijá áungana namu Umu ankuva imumu imo namu nae.

Vaepeshu 3:17

Klistu aname mmitima vyenu kwaindila yalikulupililo kwambangidya mwenu, mulinatela na muliikiniya mulinagwaledyo,