Valoma 8:37 - Ibibiliya mu Shimakonde Imbodi Yaambi na dimbande dya Imbodi Yakala

³⁷ Kanji kwavinu avi uti tunkuva tuvakutema kupunda apo kwaindila imwe aijá átunagwaladidye.

Valoma 8:37 Referans Kwoze

I Vakolintu 15:57

Kanji lilambwalalelo lipagwe kwa Nnungu átwing'a kutema kwaindila imwe Umu wetu Yesu Klistu.

I Nshuwau 4:4

Mmanavangu, mwenu apa mmàke Nnungu nadoni mundivatema avalá vakulava vakushang'apa mwaa aijá ápagwite nkati mwenu ni nkumene kumpunda aijá ápagwite mushilambo amu.

II Vakolintu 2:14

Napanelo lilambwalalelo lipagwe kwa Nnungu átulangalalela wetu ngwengwe mumandamano akutema nkati mumwe Klistu na áandadya momo mo kwaindila yetu wetu lyumba lyakunung'angila lyakummanya nae mumautu uti.

Maono 21:7

Nkútema andapata maleko avinu avi, nangu ndava Nnungu wake na nae kuva mwanangu.

Maono 12:11

Vanavo vanintema kwamwaa wamyadi vya Ngandolo na kwalilove lyaushuda wave mwaa vanavo havanagwaladídye shingumi shave pakulota vanapele.

Yudashi 1:24

Mwenu, kwa aijá Wadimongo pakulota kunshililidya mwenu hamunalikuvale na kwambangidya akamwimidye múkave makosha pamevo palishangelo lyake kwalipuwilo likumene,

Vagalata 2:20

Ninkunama kanji i nangu ila Klistu ni anama nkati mwangu. Shingumi shanguvenavo mumili ambi apa, ninkunama kwakunkulupila Mwana wa Nnungu ángunagwaladidye na álijawile kwamwaa wangu nangu.

II Vakolintu 12:9

kutwala nae kungwaulila doni, “Umonyo wangu unditosha kwako mwaa dimongo dyangu diwikila popo nkati mukudabadabanga.” Napavedoni ndyona kudyanga kulyumya shumbi mukudabadabanga kwangu kwambangidya dimongo dimwe Klistu ditulile pashanya pangu.

Maono 17:14

Vandatandana ing'ondo namu Ngandolo kanji Ngandolo pamo namu avalá vavashamile, vavatandwele vàvele vo vakulupilíke, andavatema mwaa nae ni Nang'olo wavanang'olo, Umu wavaumu.”

Vaepeshu 5:2

na nama mulinagwaledyo kenga Klistu anditunagwaledya kutwala kulyumya jo mwene yetu wetu kuva inudyo na shadaka shinung'angíla kwa Nnungu.

I Nshuwau 4:19

Wetu tunkuvanavo linagwaledyo mwaa nae ni ntandi kutunagwaledya.

Nshuwau 16:33

Vinu avi nangu nimwaulila pakulota nkati mwangu, mwenu muvenavo amani. Mushilambo mundapata mauvilo kanji lyunge ntima; nangu nditema shilambo.”

Maono 1:5

na vyakwalakela kumwe Yesu Klistu nshuda wakukulupilika, ntandi kudyuka pakati pavakupela na nkútawala wavaumu vamushilambo. Nae ankutunagwaledya na kwamyadi vyake anditwambola mumadambi etu,

I Vakolintu 15:54

Napanelo wakulambaleka paulota kuligwadya ungalambaleka na wakupela paulota kuligwadya ungapela, apo ni palilota kuwikila popo lilove lyandikígwe, “Kupela andimiligwa mukutema.”

II Vateshalonika 2:16

Doni, jo mwene Umu Yesu Klistu namu Nnungu Tatagwetu átunagwaladidye na átupele kupambadyangigwa kúkamalilika na lilindilililo lyambone kwaumonyo,

Maono 3:9

Laledya shangulota kuvatenda avalá vamushitala shakulipudidya shimwe Shatwani, vo valivíka kuva vayuda kumbe vakavele vayuda vàvele vakushang'apa. Mwiu ndavatadya valipudye mmadodo mwako na vamanye do, nangu ndikunagwaledya.

I Nshuwau 4:10

Amu ni mwalivalalele linagwaledyo: i do wetu tunínnagwaledya Nnungu kanji nae ni átunagwaladidye wetu kutwala kuntumidya Mwanagwe pakulota ave shadaka shakudimanga shitundi shake Nnungu kwamwaa wamadambi etu.

II Vakolintu 12:19

Da mwenu mwona kenga wakati uti wetu tunkulishililidya pamevo penu? Nkati mumwe Klistu pamevo pake Nnungu ni patutangola na uti vyatutenda mmakunagwaleka ni pakulota kunnonowanga mwenu.

Valoma 8:35

Nyani álota kutwapukanianga na linagwaledyo limwe Klistu? Da ilota kuva tabu, kwali mauvilo, kwali kupapatigwa, kwali indala, kwali wou, kwali shijoidyo, kwali lyambila?