Valoma 8:28 - Ibibiliya mu Shimakonde Imbodi Yaambi na dimbande dya Imbodi Yakala

²⁸ Tundimanya napane kwa avalá vannagwalédya Nnungu ankuvatandela uti kwauwambone, vo vávashamile kwodananavo malotelo ake jo mwene.

Valoma 8:28 Referans Kwoze

I Patulu 5:10

Nnungu waumonyo uti ánshamile mwenu kwalishangelo lyake líkamalilika nkati mumwe Klistu Yesu, jojo jo ling'oto lyakuvauvanga mwenu padyoko, anandyuwangidya, andamwakikisha, andamupa dimongo na anammika pashanya shitunduvangilo.

Tiyagu 1:12

Andyalaligwa munu álipililila nkati mmalingo mwaa ling'oto lyakukubaligwa, andapata lidaka lyashingumi lyalivikidile Nnungu kwa avalá vannagwalédya.

I Vakolintu 2:9

Kanji kenga indyandikigwa, “Víkagwene mevo, ata víkaigwite lyatu na ata víkakumbukiligwe muntima wamunu, ni vyovyo vyapanganienge Nnungu kwa avalá vannagwalédya;”

Valoma 8:30

Doni, avalá vávapangidile kaladavo, vovo vo andivashema na vo vávashamile vo, andivavalangilila ishaliya na vo vávavalangangilidile ishaliya vo, nae andivapa lishangelo.

II Timoti 1:9

aijá átwambwele na átushamile kwalishamelo lyakwilimyanga i kwamwaa washimadengo shetu kanji kwamwaa waishabaa yake jo mwene na umonyo watupatile nkati mumwe Klistu Yesu tangu wakati úkamalilika ukanava kupagwa

I Vakolintu 1:9

Nnungu ni wakukulupilika, kwake nae mwenu mundishamegwa muke mukapagwe muupamo wa Mwanagwe, Yesu Klistu Umu wetu.

Maono 3:19

Nangu ndávaduma na kuvapa lipundisho uti avalá vandivanagwaledya. Napavedoni, avanavo ntukuta na lijugulange.

Vagalata 1:15

Kanji napanelo Nnungu aningutandola tangu kala nikanava kuvalekwa na aningushema kwaindila yaumonyo wake.

I Vateshalonika 5:9

Mwaa Nnungu hatupangidile kwashitundi kanji pakulota tupate kwambolegwa kwaindila imwe Umu wetu Yesu Klistu

Malukushi 12:30

Nnagwaledye Umu Nnungu wako na ntima wako uti, ungumi wako uti, ding'anong'ano dyako uti na dimongo dyako uti.’

Vaepeshu 3:11

shilinganana na nnugu wangwengwe ngwengwe watimishidye nae nkati mumwe Klistu Yesu Umu wetu.

Tiyagu 2:5

Igwa mmanung'unumunu mmakunagwaleka, da Nnungu havatandwele vamashikini pamevo pavanu vamushilambo pakulota vave matajili nkati mulikulupililo na vapate maleko autawala walivikidile nae kwa avalá vannagwalédya?

I Nshuwau 4:19

Wetu tunkuvanavo linagwaledyo mwaa nae ni ntandi kutunagwaledya.

II Timoti 2:19

Napane shitunduvangilo shakunanopa sha Nnungu shinkuka mushu shipagwa shivanavo namakong'o aju, “Umu ankuvamanya avalá vake,” na, “Woewoe átambulanga lina limwe Umu aapukanangenavo ungave-shaliya uti.”

I Nshuwau 4:10

Amu ni mwalivalalele linagwaledyo: i do wetu tunínnagwaledya Nnungu kanji nae ni átunagwaladidye wetu kutwala kuntumidya Mwanagwe pakulota ave shadaka shakudimanga shitundi shake Nnungu kwamwaa wamadambi etu.

Valoma 9:11

vana vo vakanava kuvalekwa na ata vakanava kutenda wambone kwali wakunyata, mwenu pakulota shabaa yake Nnungu yakutandola yuke mushu i kwamwaa washimadengo kanji kwamwaa umwe aijá áshema,

II Vakolintu 5:1

Mwenu, tundimanya kenga ikabamalegwa yema yatunama mushilambo amu, tunkuvanavo ing'ande kumwe Nnungu, ing'ande yavakadangile na makono yangwengwe kuwa.

Vagalata 5:8

Kushomba aku, hakunaalakela shinu kwa aijá ánshamile.

Vitendo 13:48

Bai vamidi vakaigwe malove alo, vashindapuwanga namene na vashindaing'a lishangelo lilove lyake Umu; kutwala avalá vatandalégwe vapate shingumi shíkamalilika, vandíkulupila.

Valoma 11:29

Mwaa dinudyo na kushema kumwe Nnungu, hakunaputangigwa.

I Vakolintu 1:2

Kwaliganisha lyake Nnungu lipágwa ako ku Kolintu, kwa avalá vatandagwídye kuva vakwilimyanga nkati mumwe Klistu Yesu na vashamagwídye vave vakwilimyanga pamo namu avalá mudisemu uti vatambulánga lina limwe Umu wetu Yesu Klistu, Umu wave na wetu.

I Vakolintu 1:24

napanelo kwa avalá vashamagwídye ata ikava vayuda kwali vamidi, Klistu dimongo dyake Nnungu na limanyilo lyake Nnungu.

Vagalata 1:6

Napanelo nangu ninkunshanga mwenu mwaa muwakati ungwipi tu mundimwambukanga aijá ánshamile mupagwe muumonyo wake Klistu kutwa kwoda ntenga wambone unji.

Vaepeshu 4:1

Napavedoni nangu nkúngwa umwe Umu, ninkunnaililila muname shinamidyo shivaikidíle nkati mukushamegwa akulá kwamushamagwidye;

Vapilipo 3:14

Nguka mushu ngulikanyalidya ndikawikile shabaa yainudyo yakushema kwake Nnungu kwalakéla kuwa nkati mumwe Klistu Yesu.

Vabalaniya 9:15

Napavedoni, nae ni nkúdumangila waimbodi yaambi kwa avalá vashamégwa namu Nnungu pakulota vapate akulá kulivikila, yani maleko ákamalilika kwoda kupela kwake kundivaambola mumakosha avatandile mwimbodi itandi.

I Patulu 2:9

Kanji napane mwenu ni likola litandalagwídye, unashilangola washiumu wakupalakedya shadaka, venentete vakwilimyanga, venentete vake jo mwene kwambangidya muvalangange ukumene wake aijá ánshamile mushii muke kulilangadyo lyake lyamakango.

I Patulu 3:9

Hamunalipilile wakunyata kwawakunyata, hamunalipilile kutukana kwakutukana kanji paikavele davo po, vaalaliye mwaa ni ashi shavanshamalele mwenu kwambangidya mupate kwalaligwa.