Valoma 8:23 - Ibibiliya mu Shimakonde Imbodi Yaambi na dimbande dya Imbodi Yakala

²³ i gweka shanavo kanji nawetu momo túpatile vyepo vitandi vya Imumu, tunkukuta shintimatima tulindila na mweshe yakutandegwa kuva tuvanavake Nnungu, kwambolegwa kwamili vyetu.

Valoma 8:23 Referans Kwoze

Vabalaniya 9:28

Nimumo momo Klistu andilyumya shadaka mwanda umo tu bai alitika madambi avanu voe na nae andauja mwanda wambili i kwalidambi kanji pakulota kuvaambola avalá vannindíla na mweshe.

Vaepeshu 1:14

nae jo àvele kulivikila kutandi kwamaleko etu mpaka kwambwalegwa kwa avalá vake Nnungu kwakutumbyangilika kwalishangelo lyake.

Vaepeshu 4:30

Hamunantae shipalodi Imumu Wanashwe wa Nnungu, jo wavannamatididye mwenu mpaka muliduva lyakwambola.

Titu 2:13

akuno tulindila lilindilililo lyakutumbyangilika, kuumilila kwalishangelo lyake Nnungu nkumene Mwamboli wetu Yesu Klistu

Vagalata 5:5

Mwaa kwa Imumu na kwaindila yalikulupililo wetu tunkulindila na mweshe lilindilililo lyakupata ishaliya.

Valoma 7:24

Ninkúva nangu mwenu! Nyani álota kunguposha na mili au wakupela?

Valoma 8:19

Doni, shuumbígwe uti shinkulindila na mweshe kulilodya kwavanavake Nnungu.

Lukashi 20:36

Vovo vo, havapela kavili valota kuva kenga vanjelo vake Nnungu ni vanavake Nnungu, vana valóta kwalakela mukudyuka kwavakupela.

I Nshuwau 3:2

Mmakunagwaleka, wetu napanelo ni tuvanavake Nnungu na mwatulota kuvalela mo hamunava kulilodya; napane palota kwida po, tundava kenga nae mwaa tundamwona kenga mo mwavalalele.

Lukashi 21:28

Pavilota kutandeka vinu avyo, mwenu takatukanga mwimilange munyanyulile vilaka kuwa mwaa kwambolegwa kundivandika.”

I Patulu 1:7

pakulota kutenda nningo walikulupililo lyenu ikava kenga lìu. Likulupililo lyo liu lyo linkuvanavo mana makumene kuliko shaabu, shaabu itimbikánga ata ikava kenga vandatenda nningo pamoto; lyanavo lindaidanavo lutumbyango, lishangelo na ishima palota kulilodya Yesu Klistu.

II Timoti 4:8

Kutunduvangila apa, vaningukandyedya lidaka lyaishaliya lyalota kungupa Umu, nkúukumu waishaliya muliduva alyo na i gweka nangu kanji namomo uti avalá vanagwalédya kuumilila kwake.

Valoma 5:5

Mwenu, lilindilililo halinatutaa dyoni pakuva linagwaledyo lyake Nnungu lindimiminiligwa mmitima vyetu kwaindila ya Imumu Wanashwe wavatupele.

Vaepeshu 5:9

shepo shalilangadyo shivéle nkati muwambone, mwishaliya na muumwiu,

II Vakolintu 7:5

Doni, patuwikile ku Makedoniya hatupatile litala lyakupumula kanji tundipata mauvilo akula inamuna; panda apa ugombi na nkati mmitima mo, kujopa.

Valoma 5:3

I gweka avyo kanji tunkulitamanga momo nkati mumauvilo tumanya kenga mauvilo ankwidanavo kulipililila,

Valoma 5:11

I gweka avyo, namomo tunkulitamangila Nnungu kwaindila imwe Umu wetu Yesu Klistu átutadidye ambi apa tupate kwigwania.

I Vakolintu 1:7

Nadoni mwenu hashipali shajo sha Imumu shimwóva pamupagwa mukulindila kulilodya kumwe Umu wetu Yesu Klistu.

II Vakolintu 1:22

ni jojo átutaile namakong'o na kutuvika Imumu wake mmitima vyetu kenga shinu shakwimididya.