Valoma 8:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Doni, mwenu hamupatile imumu yautumwa muka kavili mukujopa kanji munimpata Imumu wamwanamunu; nkati mwake wetu tunkulila, “Aba, Atata.”

Valoma 8:15 Referans Kwoze

II Timoti 1:7

Mwaa Nnungu anditupa Imumu i yakujopa kanji yadimongo, yalinagwaledyo na yakulimaladya.

I Vakolintu 2:12

Kanji napane wetu hatupatile imumu yamushilambo ashi kanji Imumu áalakadile kwake Nnungu pakulota tumanye vinu vyatupele Nnungu monyo.

Valoma 8:16

Jo mwene Imumu ankumya ushuda kwaimumu yetu kenga wetu ni tuvanavake Nnungu

Vabalaniya 2:15

namomo avavike muunaiti uti avalá ve vapagwíte muutumwa mushingumi shave uti vajopa kupela.

Vaepeshu 1:5

àtupangidile kala mwakulota kututenda tuvanamunu vake jo mwene kwaindila imwe Yesu Klistu kwodana na mo mwainagwaladile jo mwene mumalotelo ake

I Nshuwau 4:18

Palipagwite linagwaledyo kujopa hakupali, leka apo linagwaledyo lyakuwikila popo, lindákumulanga kujopa. Mwenu, kujopa kunkwigwania na shaushanga na aijá ávenavo kujopa, hanava kuwikila popo mulinagwaledyo.

Malukushi 14:36

Napane kushidoni, “Aba, Atata, vinu uti wako unkuulula. Nyemya luwene alu pamili pangu ila haunatende mwangulatela nangu, tenda mwaulatela wako umwene.”

Valoma 8:23

i gweka shanavo kanji nawetu momo túpatile vyepo vitandi vya Imumu, tunkukuta shintimatima tulindila na mweshe yakutandegwa kuva tuvanavake Nnungu, kwambolegwa kwamili vyetu.

Lukashi 11:2

Yesu kushidoni, “Mukalota kushwali, kaashidoni, “ ‘Atata, lina lyako liilimyangike. Utawala wako wide.

Nshuwau 20:17

Yesu kushidoni, “Haunangukamule mwaa hangunava kukwela kuka kumwe Atata. Napane wena kwavanung'unumunu ukavaulile doni, ‘Ninkukwela kuka kumwe Atata, jo Tatagwenu; kwa Nnungu wangu, jo Nnungu wenu.’ ”

Lukashi 22:42

aashidoni, “Atata! Ukalota nyemya pamili pangu luwene alu ila hainave mwangulatela nangu, ive mwaulatela wako umwene.” [

Nshuwau 16:8

Palota kwida po, nae jo andaundukula shilambo kwamwaa wamadambi, ishaliya na ukumu;

Vitendo 16:29

Bai nanangalaledi waikalaboshi andíshamela shenje kutwala kwinjila shipajelo nkalaboshi akuno atatamela kuka ndaunama mushu mwake Paulu namu Shilashi.

Vitendo 2:37

Bai vanavo vakaigwe malove ala, vindívabuka mitima kutwala kumudya Patulu pamo na vamyombe vanji kushidoni, “Mmanung'unumunu, napanelo wetu po tutandelé mwashi?”

Lukashi 8:37

Kutwala vanu uti vashilambo sha ku Gelasha sho kunjugwa Yesu avanyeme mwaa vashindajopa namene. Bai Yesu kwinjila mwingalava pakulota auje.

Lukashi 8:28

Nae akamwone Yesu andíkutakutanga kugwilangila mmadodo mwake kutwala kutangola pashanya po aashidoni, “Yesu mwanagwe Nnungu Wapashanya-uti, da wako shako nyamani kumili kwangu? Ninkukujugwangila haunanguvyauvyange!”

Tiyagu 2:19

Wako unkukulupila kenga ankupagwa Nnungu jumo? Unkutenda shana! Ata vo vandamoni vo, vankukulupila shinu asho na vankutatamela.

Valoma 8:26

Nimumo momo Imumu inkutupwashela nkati mukudabadabanga kwetu mwaa hatunamanya shinu shakwashi shakushwalidya kanji jo mwene Imumu ankutujugwila wetu kwakukuta kúkaululika kuvalanganga.

Valoma 9:4

Vanavo ni vanaishilaeli; vyavanavo ni kuva vanamunu, lishangelo, dimbodi, kupata kwalilamulo, kulipudya mwing'ande yake pamo na vyakulivikila.

II Vakolintu 11:4

Mwaa ikava kenga andaaloka munu junji nammalangangila mwenu Yesu junji watukammalangénge wetu, kwali ikava kenga mundapwashalela imumu inji yamukapwashaladíle, kwali ntenga wambone unji wamukapwashaladíle, mwenu uti avi munkulipililila shana!

Vagalata 2:4

Ing'ano ai ishashambwike na vanung'unumunu vakushang'apa vainjidíle na malotelo ashipiipii. Vanavo vandílijalanianga kwida ndapalalesha unaiti wetu watuvenavo nkati mumwe Klistu Yesu kwambangidya vatuukenavo muutumwa.

Vagalata 5:1

Ivele mupagwe muunaiti shitadídye Klistu amwambole; napavedoni linatele, hamunatawaligwe kavili na likangoti lyautumwa.

Mateu 25:25

Napanelo kwamwaa wakukujopa, ndítwala italendu yako yo kuka ndapiya pai. Lola, shako sho, ashi.’