Valoma 7:24 - Ibibiliya mu Shimakonde Imbodi Yaambi na dimbande dya Imbodi Yakala

²⁴ Ninkúva nangu mwenu! Nyani álota kunguposha na mili au wakupela?

Valoma 7:24 Referans Kwoze

Valoma 6:6

tumanya kenga umunu wetu wakala undipambililigwa pamo namu nae pakulota dashi, mili walidambi utimbikange kwambangidya hatunatandegwe kavili vatumwa validambi

II Timoti 4:18

na Umu ananguposha muvinu uti vyakunyata na anangutwala ngùvele nimumi kwautawala wake wakuwa. Kwake nae lipagwe lishangelo ngwengwe ngwengwe. Ame.

Titu 2:14

ályumidye jo mwene kwamwaa wetu wetu pakulota atwambole muungave-lilamulo uti na alikandyangidye jo mwene venentete vavaushanienge ushapu vaugweka vake jo mwene vavénavo dukuduku yakutandedya vitendo vyambone.

Valoma 8:2

mwaa nkati mumwe Klistu Yesu, lilamulo lya Imumu washingumi liningwambola mulilamulo lyalidambi na lyakupela.

Maono 21:4

Nae andavapukutanga myodi uti kumevo kwave; kupela, shipalodi, shililo, kupwateka hakupagwa kavili mwaa vinu vyakala uti, vindipita.”

Vabalaniya 2:15

namomo avavike muunaiti uti avalá ve vapagwíte muutumwa mushingumi shave uti vajopa kupela.

Valoma 8:26

Nimumo momo Imumu inkutupwashela nkati mukudabadabanga kwetu mwaa hatunamanya shinu shakwashi shakushwalidya kanji jo mwene Imumu ankutujugwila wetu kwakukuta kúkaululika kuvalanganga.

Valoma 8:13

mwaa ikava kenga mwenu munkunama kwodananavo shimunumunu, mundapela kanji kwa Imumu mukatadya kupedya vitendo vyamili, mundanama.

Lukashi 4:18

“Imumu wake Umu aningushulukila mwaa aningupaka mauta pakulota ndivavalangangile vamashikini ntenga wambone, kungutuma ngwide ngwaule kuvaambola kwavakungwa, vákalola nivape kulola, vakutawaligwa nivape unaiti

Vakoloshu 2:11

Namomo nkati mwake, mwenu mundikumuligwa likumbi i likumbi lyavakumula vanu kanji lyakulyusha mili washimunumunu, lyo lyakumula Klistu

Mateu 5:6

Vandyalaligwa avalá vavénavo indala na inyota yaishaliya, mwaa vanavo vandaikuta.

Mateu 5:4

Vandyalaligwa avalá valíla, mwaa vanavo vandapambadyangigwa.

Valoma 8:23

i gweka shanavo kanji nawetu momo túpatile vyepo vitandi vya Imumu, tunkukuta shintimatima tulindila na mweshe yakutandegwa kuva tuvanavake Nnungu, kwambolegwa kwamili vyetu.