Valoma 6:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Napavedoni wetu tundishikigwa pamo namu nae kwaindila yaubatisho utuukanavo kukupela kwambangidya kenga mo mwavandyuwididye Klistu pakati pavakupela kwaindila yalishangelo lya Tatamunu, nawetu momo tuname mushingumi shaambi.

Valoma 6:4 Referans Kwoze

II Vakolintu 5:17

Napavedoni, ikava kenga munu ankupagwa nkati mumwe Klistu, ajo ni shiumbi shaambi. Vyakala vindipita. Mwenu, viidilé vyaambi.

Vakoloshu 3:10

kutwala kungwala munu waambi ádyuwangidya kavili nkati mulimanyilo kwodananavo ing'ope yake aijá ámuumbile.

Valoma 7:6

Kanji napane vanditumya mulilamulo tùpadile kwa ashilá shíshitutenda kuva tuvatumwa pakulota tutumike kwainamuna yaambi ilangalalégwa na Imumu i kwainamuna yakala yalilamulo lyandikígwe.

I Patulu 3:21

Nadoni ashi ni shimanyikilo shaubatisho umwambóla mwenu ambi apa, wanavo haunaushanianga shinu ushapu washimunu ila ni kulijugwangila kwamakumbukililo ambone amuntima pamevo pake Nnungu kwaindila yakudyuka kwake Yesu Klistu

Valoma 6:9

tumanya kenga paukile ndadyuka Klistu pakati pavakupela, nae hapela kavili; kupela nae hakuntawala.

II Vakolintu 13:4

Mwaa mwiu vaninkamalela panshalaba mukudabadabanga kanji ankunama kwadimongo dyake Nnungu. Nawetu momo tunkuva vakudabadabanga nkati mwake kanji kwenu mwenu tundanama namu nae kwadimongo dyake Nnungu.

Valoma 6:3

Kwali hamunamanya shinu kenga uti túpatile ubatisho nkati mumwe Klistu Yesu, da hatupatile ubatisho nkati mukupela kwake?

I Nshuwau 2:6

aijá aashidoni, ankupagwa nkati mwake nae inimmaikila awene kulingana kenga mo mwawanadile Yesu.

I Vakolintu 6:14

Napane Nnungu anindyuwa Umu kwadimongo dyake nawetu momo andatudyuwa kwadimongo dyake.

Valoma 8:11

Na ikava kenga Imumu umwe aijá ándyuwidye Yesu pakati pavakupela ankupagwa nkati mwenu, jo ándyuwidye Klistu pakati pavakupela andaing'a momo shingumi mili vyenu vyakupela kwaindila ya Imumu wake ápagwa nkati mwenu.

Vaepeshu 4:17

Nadoni ninkutangola na ninkumya ushuda nkati mumwe Umu, hamunaname kavili kenga mmamidi mukunyambikanga makumbukililo ave.

Valoma 6:19

Ngutangola kenga nimunu kwamwaa wakudabadabanga kwenu kwashimunu. Kulingana kenga mo mwamujaulidile dimbande dyenu muushapu na muungave-lilamulo vyuka kupunda ungave-lilamulo napane ambi jaula dimbande dyenu kenga vatumwa vaishaliya vauka kukwilimyanga.

Nshuwau 11:40

Yesu, “Da nangu handikwaulidile doni, ukakulupila undona lishangelo lyake Nnungu?”

Vitendo 2:24

Kanji napane jojo jo, Nnungu anindyuwa pakati pavakupela amposha mumauvilo akupela mwaa haishuulukika kupela kundingile.

Vakoloshu 4:1

Mmanang'olo, vaangangalange vatumwa venu kwaishaliya na aki mumanya doni, namwenu momo munkuvanavo nang'olo jumo kuwa.

Vaepeshu 5:8

Mwenu kala muvele shii, napane ambi apa ni lilangadyo nkati mumwe Umu bai nama kenga mmana mmalilangadyo,

Nshuwau 2:11

Ashi ni shimanyikilo shitandi shatandile Yesu ku Kanaa ya ku Galileya. Amu ni mwalaladidye lishangelo lyake kutwala vakwoda vake kunkulupila.

Vitendo 2:32

Jo Yesu aju, Nnungu anindyuwa na wetu apa uti ni tuvashuda vashitendo asho.

Valoma 6:8

Napane ikava kenga tundipela pamo namu Klistu, tunkukulupila do, namu nae tundanama