Valoma 6:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Kanji napane lilambwalalelo live kwa Nnungu, mwemwe mwe muvéle mmatumwa validambi mundyuka ndaigwilila na mitima vyenu mpano wamapundisho alalá avankamudidye.

Valoma 6:17 Referans Kwoze

I Patulu 2:9

Kanji napane mwenu ni likola litandalagwídye, unashilangola washiumu wakupalakedya shadaka, venentete vakwilimyanga, venentete vake jo mwene kwambangidya muvalangange ukumene wake aijá ánshamile mushii muke kulilangadyo lyake lyamakango.

II Timoti 1:13

Odedya mpano wamalove mangumi awigwite kwangu upagwa mulikulupililo na linagwaledyo lipágwa nkati mumwe Klistu Yesu.

II Vakolintu 2:14

Napanelo lilambwalalelo lipagwe kwa Nnungu átulangalalela wetu ngwengwe mumandamano akutema nkati mumwe Klistu na áandadya momo mo kwaindila yetu wetu lyumba lyakunung'angila lyakummanya nae mumautu uti.

Valoma 16:26

kanji napane, shindyunukuligwa na kwaindila yamaandiko akulava shindimanyika kwavenentete uti kwodananavo lilamulo lyake Nnungu ákamalilika pakulota kupagwe kwigwilila kwalikulupililo;

Valoma 1:8

Shinantandi ninkunnambwalela Nnungu wangu kwaindila imwe Yesu Klistu kwamwaa wenu mwenu uti mwaa likulupililo lyenu linkuvalangangigwa mushilambo uti.

III Nshuwau 1:3

mwaa ndipuwanga namene pakuwika vanung'unumunu, pavaumidye ushuda wakupagwa wako muumwiu, kwakutangola mwiu unkuka mushu unama nkati muumwiu.

Valoma 15:18

Mwenu, hangunalyalaveka shinu kutangola shoeshoe pashikava ashilá shatandile Klistu Yesu kwaindila yangu yakuvaidanavo vamidi mukwigwilila; kwalilove na kwashimadengo,

Vitendo 11:18

Bai pavaigwite malove alo, vanavo vandídimikila na kumupa lishangelo Nnungu vaashidoni, “Kumbe mwiu! Ata vamidi Nnungu andivapa kulijugulanga madambi kuka mushingumi.”

II Nshuwau 1:4

Ndipuwanga poe pandivakadidye vanavako vanji vawena muumwiu kulingana kenga mwatupatidile lilamulo kwalakela kumwe Atata.

Vabalaniya 5:9

Namomo pantadidye awikile popo nae anditadya ave ntipu wakwambolegwa kúkamalilika kwa avalá uti vamwigwilíla,

Pilemoni 1:4

Ngwengwe ninkunnambwalela Nnungu wangu pandikukumbukila wako nkati mukushwali kwangu

II Vateshalonika 1:3

Indituvaikila tunnambwalele Nnungu ngwengwe mmanung'unumunu kwamwaa wenu pakuva ni shaliya mwaa likulupililo lyenu linkukulumuka namene na linagwaledyo lyakula munu pakati penu kwavanji, linkwanjadyeka

I Patulu 4:17

Mwaa wakati waukumu utunduvangíla mwing'ande yake Nnungu undiwika tayali; napane ikava kenga shitandi namu wetu, ulota kuva dashi mwisho wa avalá vákaigwilidile ntenga wambone wa Nnungu?

I Patulu 3:1

Nimumo momo mwenu mmadyamunu livike mwina mwavatavenu kwambangidya ata ikava kenga vanji havanakulupila shinu lilove lyake Nnungu, vapatikanange kwabila malove kwamwaa washinamidyo shenu mwenu mmadyavave;

I Patulu 1:22

Napanelo pamulyushanienge ushapu muungumi wenu kwaindila yakwigwilila umwiu mutadya kupagwa mulinagwaledyo lyashinung'unumunu líkave shinankulaba, bai nagwaladyania kwabila kudabadabanga kwantima úkave ushapu.

Vabalaniya 11:8

Kwalikulupililo Abulaamu andíigwilila paukile ndashamegwa kuka kulyutu lyaukile ndalivikila Nnungu kumupa kenga maleko pakamanya kwashi kwashuka.

I Vateshalonika 3:9

Tulota kunnambwalalela mwashi Nnungu yenu mwenu kwalipuwilo lyatupuwanga kwamwaa wenu mwenu pamevo pake Nnungu wetu

Vaepeshu 1:16

hangunaleka shinu kulambwalela kwamwaa wenu mwenu nintambulanga mukushwali kwangu.

I Vakolintu 1:4

Ngwengwe ninkunnambwalela Nnungu wangu kwamwaa wenu mwenu kwaumonyo wake nae wampele nkati mumwe Klistu Yesu.

Valoma 1:5

Kwaindila yake nae tundipata umonyo na umyombe wakutadya pakati pavenentete uti kwigwilila kwalikulupililo kwamwaa walina lyake

Valoma 2:8

kanji shitundi na shishimwashimwa kwa avalá vavénavo malotelo augweka vaíta umwiu kutwala kwigwilila ungave-shaliya.

Vitendo 28:15

Napanelo vanung'unumunu váshiikala pa Loma vakapate dyabali dyakuwika kwetu, vandíida ndatushinga pashakoni sha pa Apiyo na pa Ding'ande Nnatu Dyavajeni. Paulu akavone vanung'unumunu avo, anínnambwalela Nnungu na ntima wake undímwikala shana.

I Vakolintu 14:6

Napanelo mmanung'unumunu, ikava kenga nangu ndaida kwenu kutwala kutangola inangodi yaambi, ngulota kumupa paida shani ndikanaidanavo maono kwali limanyilo kwali lilavilo kwali lipundisho?