Valoma 6:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Napanelo tuushidashi? Da tuke mushu tupagwa mulidambi kwambangidya umonyo wake Nnungu wanjadyeke?

Valoma 6:1 Referans Kwoze

I Patulu 2:16

Nama kenga mmanu múvele muunaiti ila hamunatumile kuliinikidya unaiti awo pakulota kutenda vinu vyakunyata; nama kenga mmatumika vake Nnungu.

Vagalata 5:13

Mmanung'unumunu, ivele mupagwe muunaiti shitadídye mushamegwe kanji napane unaiti awo haunave nkanidyo wakulota kutandedya malotelo enu ashimunumunu ila inimmaikila mutumikane shivenevene kwaindila yalinagwaledyo.

Valoma 6:15

Napanelo shakwashi? Da tutege pakuva hatunatawaligwa shinu na lilamulo kanji tunkutawaligwa na umonyo? Ata padyoko vela!

Valoma 2:4

Kwali wona dashi, mali akutanana kwake, akulipililila na aupole, wako unkwiludyanga kwabila kumanya do, kutanana kwake Nnungu ni kukuukanavo mukulijugulanga?

Yudashi 1:4

Mwaa vanu vanji vandiliinjidyanga shipiipii, vanavo ukumu yave indipangigwa tangu nakala, vanu vákave Nnungu vatindinganiánga umonyo wa Nnungu wetu pakulota shive shinu shakulaukila na vankumwita Nang'olo wetu jumo, jo Umu wetu, Yesu Klistu.

Valoma 3:31

Da doni po tunkuputanga lilamulo kwaindila yalikulupililo? Ata padyoko vela! Kanji lyanavo lyo, tunkunonowanga.