Valoma 5:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ I gweka avyo, namomo tunkulitamangila Nnungu kwaindila imwe Umu wetu Yesu Klistu átutadidye ambi apa tupate kwigwania.

Valoma 5:11 Referans Kwoze

Valoma 5:10

Mwaa ikava kenga wetu patuvéle tuvammongo vanditutadya twigwanie namu Nnungu kwaindila yakupela kwa Mwanagwe, kupunda namene patwigwenie apa, tundaambwalegwa kwaindila yashingumi shake.

Vapilipo 4:4

Puwanga ngwengwe nkati mumwe Umu. Ninkuujila kavili nguushidoni, puwanga!

Vagalata 4:9

kanji napane pamummanyite Nnungu apa, kwali tuushidoni mundimanyika na Nnungu, mwaa shani munkuujila kumavalelo lolo akudabadabanga na ákave lyululilo? Da mulota mutandegwe kavili mmatumwa?

I Patulu 1:8

Ata ikava kenga mwenu hamungwene ila munkunnagwaledya; ata ikava kenga ambi apa hamunamwona shinu, munkunkulupila na munkupuwanga kwalipuwilo líkaululika kuvalanganga na lyumbéle lishangelo

Vakoloshu 2:6

Napavedoni pakuva mwenu munimpwashalela Klistu Yesu kenga Umu, nama nkati mwake

Vapilipo 3:3

Mwaa wetu ni likumbi shii túlipudya kwa Imumu umwe Nnungu túlitumbyangidya nkati mumwe Klistu Yesu na túkakulupila vyamumili,

Vapilipo 3:1

Napanelo kumwisho akuno mmanung'unumunu puwanga nkati mumwe Umu! Kumwandikila kavili mwenu malove lolo hashinangukamadyangidya shinu kwangu nangu ila shosho sho ni lishililidyo kwenu mwenu.

Vagalata 5:22

Kanji napane mapuno a Imumu ni linagwaledyo, lipuwilo, amani, kupililila, kutanana, wambone, kukulupilika,

I Vakolintu 10:16

Da i mwiu luwene lwakwalaligwa alulá lwatulambwalela, hakunava shinu kuliinjidyanga mumyadi vimwe Klistu? Ligung'u lyatumajana hakunava shinu kuliinjidyanga mumili umwe Klistu?

Valoma 11:15

Mwenu, ikava kenga kujaigwa kwave kundiidanavo kwigwania mushilambo, ilota kuva dashi kukubaligwa kwave paikava shingumi shuumíle mukupela?

Valoma 2:17

Kushi wako úlishema kuva muyuda, únanapela mulilamulo na úlitamangila nkati mu Nnungu,

Nshuwau 1:12

Napane uti avalá vampwashaladíle, vo vakulupidíle lina lyake, nae andivapa aki yakutandegwa kuva vana va Nnungu.

Lukashi 1:46

Napanelo Maliya kushidoni, “Ungumi wangu unkuntumbyanga Umu,

Valoma 5:1

Napavedoni pakuva tundivalangiligwa ishaliya kwalikulupililo, tunkuvanavo amani namu Nnungu kwaindila imwe Umu wetu Yesu Klistu.

Valoma 5:3

I gweka avyo kanji tunkulitamanga momo nkati mumauvilo tumanya kenga mauvilo ankwidanavo kulipililila,

Valoma 8:23

i gweka shanavo kanji nawetu momo túpatile vyepo vitandi vya Imumu, tunkukuta shintimatima tulindila na mweshe yakutandegwa kuva tuvanavake Nnungu, kwambolegwa kwamili vyetu.

Valoma 9:10

I avi gweka kanji Labeka momo paimite shitumbo shavana vavili na nnume jumo, tatagwetu Ishaki,

II Vakolintu 8:19

I gweka asho kanji namomo anditandalegwa na maganisha pakulota atupalakele patukola shimadengo ashi shaumonyo shatutumikila kwalishangelo lyake jo mwene Umu na kwambangidya kulodya malotelo etu ambone.