Valoma 4:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Mwaa lyo lilamulo lyo, linkwidanavo shitundi kanji napane palikapagwite lilamulo, hakupali kupujungula.

Valoma 4:15 Referans Kwoze

Valoma 5:13

Doni, lilamulo likanava kupagwa, mwiu lidambi lindípagwa mushilambo shapai kanji halishivalangiligwa lidambi pálikapagwite lilamulo.

Vagalata 3:10

Mwaa uti avalá vakulupíla lilamulo vandilanigwa kwoda indyandikigwa doni, “Alaanigwe aijá ákapagwa muvinu avi uti vyandikígwe mulibuku lyalilamulo na vinu avyo me kutandedya.”

I Vakolintu 15:56

Mwenu, ishumu imwe kupela, lidambi na dimongo dimwe lidambi, lilamulo.

Vagalata 3:19

Napanelo shitadídye lipagwe lilamulo ni nyamani? Lyanavo lindyanjadyeka kwamwaa waukalau mpaka aide aijá ndukulumunu álota kupata akulá kulivikila. Lilamulo lyo, lindikuvika kwaindila yavanjelo kupitila kumwe nkúdumangila.

Nshuwau 3:36

Aijá ánkulupila Mwana ankuva na shingumi shíkamalilika kanji aijá áita kunkukulupila Mwana, shingumi sho alota kwigwa lyatu na shitundi shake Nnungu shinkupagwa pamili pake.”

I Nshuwau 3:4

Kula ánatenda shimadambi namomo ankutenda ungave-lilamulo mwaa lidambi ni ungave-lilamulo.

Vaepeshu 5:6

Hamunanneke munu anduwanga kwamalove ashing'alang'ala; kwamwaa wavinu vyovyo vyo, vinkutadya shitundi shake Nnungu shivawikile avalá vákaigwilila.

Nshuwau 15:22

Leka ndikaidile ndatangola na vanavo, vakanavenavo madambi. Napane ambi apa, madambi ave hampali mwakwinikidyangidya.

Vakoloshu 3:6

Kwamwaa wavinu avi shinkwida shitundi shake Nnungu [kwa avalá vákaigwilila].

Valoma 1:17

Mwaa mo muntenga mo inkulilodya ishaliya yake Nnungu kutunduvangila mulikulupililo kuka mulikulupililo kenga mwavaandikidile, “Waishaliya andanama kwalikulupililo.”

Maono 19:15

Nkanywa mwake mundyúma lyambila lyakukola pakulota avabyaile venentete, jojo jo andavalangalalela na ipimbo yashitali na andakandangila vinyu mulitangi lyakushimwa kwake Nnungu Wadimongo-uti.