Valoma 3:30 - Ibibiliya mu Shimakonde Imbodi Yaambi na dimbande dya Imbodi Yakala

³⁰ pakuva Nnungu avelé jumo bai na kwalikulupililo tu, nae andavavalangilila ishaliya vakumulígwe na vákakumuligwe.

Valoma 3:30 Referans Kwoze

Vagalata 3:8

Maandiko pagwene kaladavo doni, Nnungu andavapa vamidi ishaliya kwaindila yalikulupililo, anímmalangangila ntenga wambone shitandi Abulaamu aashidoni, “Kwako wako, venentete uti vandaalaligwa.”

Vagalata 3:20

Napane nkúdumangila hanava wamunu jumo kanji Nnungu avelé jumo.

Vapilipo 3:3

Mwaa wetu ni likumbi shii túlipudya kwa Imumu umwe Nnungu túlitumbyangidya nkati mumwe Klistu Yesu na túkakulupila vyamumili,

Vagalata 6:15

Kukumuligwa likumbi kwali mene hakunapagwa mana. Shamana ni kuva shiumbi shaambi.

Vagalata 5:6

Mwaa nkati mumwe Klistu Yesu, kukumuligwa likumbi kwali mene, hakuve mana ila livé na mana ni likulupililo lililódya mulinagwaledyo.

Vagalata 3:28

Hapali muyuda na ata ngalegu, ntumwa na ata wamuunaiti, nnume kwali nkongwe mwaa uti mwenu ni munu jumo mumwe Klistu Yesu.

Valoma 3:28

Mwaa wetu tunkwakikisha kenga munu ankuvalangiligwa ishaliya kwalikulupililo lyapukanánga na shimadengo shalilamulo.

Valoma 2:26

Napane aijá ákakumuligwe, ikava kenga midimu vyalilamulo andaigwilila, da ava shinu nae álota kuvalangiligwa kukumuligwa?

Valoma 2:27

Aijá ákakumuligwe mumili kanji áigwilila lilamulo, andakuukumu wako úvenavo lilamulo lyandikígwe na shitendo shakukumuligwa kanji lilamulo lyo, upujungula.

Valoma 3:22

doni, ishaliya yake Nnungu kwaindila yakunkulupila Yesu Klistu kwa avalá uti vankulupíla nae. Hakupali kuvilingananga

Valoma 4:9

Da kwalaligwa aku kunkuvaukila vakumulígwe gweka kwali namomo vákakumuligwe? Wetu tunkushidoni, likulupililo vanimmalangilila Abulaamu kuva ishaliya.

Valoma 4:16

Ni ashi shitádya kulivikila kunanapele mulikulupililo pakulota kwodanenavo umonyo kwambangidya dashi kuke bila kwambambidya muudukulu uti i gweka wamulilamulo kanji namomo aijá walikulupililo limwe Abulaamu, jo tatamunu wetu uti

I Timoti 2:5

Mwaa ankupagwa Nnungu jumo na kupagwa nkúdumangila jumo pakati pamwe Nnungu na vanu: munu jo Klistu Yesu