Valoma 3:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ Ambi napane ishaliya yake Nnungu indililodya yapukananga na lilamulo; ata lyo lyene lilamulo na vakulava vankumya ushuda wake,

Valoma 3:21 Referans Kwoze

Vitendo 10:43

Ajo vakulava uti vankumuumidya ushuda kenga kula munu ánkulupila nae ankupata kulivalivigwa kwamadambi kwaindila yalina lyake.”

Vapilipo 3:9

na ngunanapele nkati mwake pandikavenavo ishaliya yangu nene nimwene yakwalakela mulilamulo kanji yakwalakela kwaindila yakunkulupila Klistu, ishaliya ailá yalakéla kwa Nnungu na inanapéla mulikulupililo.

Vagalata 3:8

Maandiko pagwene kaladavo doni, Nnungu andavapa vamidi ishaliya kwaindila yalikulupililo, anímmalangangila ntenga wambone shitandi Abulaamu aashidoni, “Kwako wako, venentete uti vandaalaligwa.”

Valoma 5:19

Mwaa nimumo momo kwaindila yaungaigwilila wamunu jumo, voe vanditadya kuva vakutega, namomo kwaindila yakwigwilila kwamunu jumo, voe vandatadya kuvalangiligwa ishaliya.

Valoma 1:17

Mwaa mo muntenga mo inkulilodya ishaliya yake Nnungu kutunduvangila mulikulupililo kuka mulikulupililo kenga mwavaandikidile, “Waishaliya andanama kwalikulupililo.”

Valoma 1:2

wo walivikidile tangu kala kwaindila yavakulava vake nkati mumaandiko akwilimyanga

Vitendo 15:11

I davo, wetu tunkukulupila kenga kwaindila yaumonyo wake Umu Yesu, wetu tundyambolegwa kulingana kenga mo mwavaambwalagwidye vanavo.”

Lukashi 24:44

Kutwala kuvaulila doni, “Vitandéke avi ni avilá vyanishipita nimmalangangila mwenu tùvele shalumo kenga indivaikila vinu uti vyandikígwe mu Lilamulo lyake Musha, mu Vakulava na mu Dimu vingwámba nangu, vitandeke.”

II Patulu 1:1

Simoni Patulu, ntumwa na myombe umwe Yesu Klistu, kwa avalá vapatíle likulupililo lyolyo livénavo mana alinganána na lyetu kwaindila yaishaliya imwe Nnungu wetu, Mwamboli Yesu Klistu.

I Patulu 1:10

Kwakwambolegwa aku, vakulava vammalangangidíle kaladavo umonyo ukíle ndamwikila mwenu vandilipundisha na kulalyanga shana.

Vagalata 5:5

Mwaa kwa Imumu na kwaindila yalikulupililo wetu tunkulindila na mweshe lilindilililo lyakupata ishaliya.

Valoma 16:26

kanji napane, shindyunukuligwa na kwaindila yamaandiko akulava shindimanyika kwavenentete uti kwodananavo lilamulo lyake Nnungu ákamalilika pakulota kupagwe kwigwilila kwalikulupililo;

Vitendo 26:22

Kanji kwalipwashalelo lya Nnungu ngupali mpaka nelo apa; ni ashi shingutádya ngupagwe apa ngumya ushuda kwavadyoko mpaka kwavanang'olo. Shanguvalanganga hashinapundana shinu na ashilá shavatangwele vakulava na shatangwele Musha kenga shindatandeka,

Nshuwau 1:45

Jo Pilipo jo ankunkodya Nataniyele ankumwaulila doni, “Tunimpata munu wamwandike Musha mu Lilamulo na yadavo Vakulava, Yesu wa ku Nashaleti, mwanagwe Yoshe.”

II Vakolintu 5:21

Aijá ákamanyite lidambi anintadya kuva lidambi kwamwaa wetu wetu kwambangidya tuvalangiligwe kuva ishaliya yake Nnungu nkati mwake.

I Vakolintu 1:30

Ni kwamwaa wake nae shitádya mwenu mupagwe nkati mumwe Klistu aijá áukile ndava kwetu wetu limanyilo lyalakéla kumwe Nnungu, ishaliya, kwilimyanga na kwambolegwa

Valoma 9:30

Napane tuushidashi? Doni vamidi vákashivingilidya kuvalangiligwa ishaliya vandipata kuvalangiligwa ishaliya, ishaliya yoyo yalakéla kwaindila yalikulupililo

Valoma 5:21

kwambangidya kenga mo mwalitawalidile lidambi nkati mukupela, namomo umonyo utawale nkati mwishaliya iidanavo shingumi shíkamalilika kwaindila imwe Yesu Klistu Umu wetu.

Vitendo 28:23

Napane vakavike liduva lyakukadyania namu nae, vandímwidila vanu voe palyutu lyashiikala na nae kutunduvangila lyamba mpaka lyulo andívaigwiniya ataa ushuda yautawala wa Nnungu alingangila avashombe kwaing'ano imwe Yesu kutunduvangila mu Lilamulo lyake Musha namomo mu Vakulava.

Valoma 3:28

Mwaa wetu tunkwakikisha kenga munu ankuvalangiligwa ishaliya kwalikulupililo lyapukanánga na shimadengo shalilamulo.

II Vakolintu 3:9

Doni, ikava kenga utumika widínavo ukumu uvénavo lishangelo, kushi utumika wídanavo ishaliya wo, hauumbaligwa lishangelo!