Valoma 3:2 - Ibibiliya mu Shimakonde Imbodi Yaambi na dimbande dya Imbodi Yakala

² Oe! Ankupagwa kula upande! Shitandi vayuda vandikulupiligwa malove ake Nnungu.

Valoma 3:2 Referans Kwoze

Valoma 9:4

Vanavo ni vanaishilaeli; vyavanavo ni kuva vanamunu, lishangelo, dimbodi, kupata kwalilamulo, kulipudya mwing'ande yake pamo na vyakulivikila.

Vitendo 7:38

Ni jo Musha apagwíte mushipinga shavanakuluvetu kushimbweshe na njelo andítangola namu nae pamo na vanakuluvetu palishinga lya Shinai; nae ni ápwashaladile malove mangumi akutupa wetu.

Vabalaniya 5:12

Ata ikava kenga wakati au ivaikidile muve mmamwalimu kanji inkuloteka munu ampundishe kavili vitunduvangilo vitandi vyamalove ake Nnungu. Ambi apa immaikidilé mujong'e mavele i shakulya shakukama.

I Vakolintu 9:17

Mwaa ndikavalanganga na malotelo angu nimwene, ninkuvanavo lidaka kanji napane ndikavalanganga kwabila malotelo angu, mpaka ambi ndikulupiligwa kushunga.

I Patulu 4:11

Napane átangola jo, atangole malove a Nnungu na átumika jo, atumike kwadimongo dyaloka kumwe Nnungu kwambangidya nkati muvinu uti, Nnungu apate lishangelo kwaindila imwe Yesu Klistu ávaikidile apate lishangelo na lyululilo ngwengwe ngwengwe. Ame.

Maono 22:6

Ling'oto njelo aníngwaulila doni, “Malove ala akukulupilika na maiu. Umu, Nnungu wadimumu dyavakulava, anintumidya njelo wake kwambangidya avalodye vatumika vake vinu vilóta kutandeka muwakati wakuvandika.”

Maono 19:10

Napanelo ndígwilangila mmadodo mwake pakulota ngulipudye kwake kanji nae kushidoni, “Haunatende davo! Nangu ni ntumika kenga wako na kenga vanung'unumunu vavénavo likulupililo muushuda wake Yesu. Lipudye kumwe Nnungu! Mwaa ushuda ummalangánga Yesu ni imumu yakulava.”

I Timoti 6:20

Wako Timoti, shunga ashilá shaukulupilike. Lyapukaniange na shitangodi shíkave mana na mitau vyavashema kwakushang'apa kuva limanyilo.

Vagalata 2:7

Vanavo valakilé kwanjadedya kutwa kumanya do, ntenga wambone wo, ndikulupiligwa nangu kwavakakumuligwe kenga Patulu kwavakukumuligwa

II Vakolintu 5:19

yani Nnungu andípagwa nkati mumwe Klistu atadya shilambo shiigwane namu jo mwene pakavavalangilila kupujungula kwave na atukamudya ntenga waliigwilanilo.

Valoma 3:3

Napanelo ilota kuva dashi ikava kenga vanji havakulupidíle? Da ungakulupila wave undatadya kuputanga kukulupilika kwake Nnungu?

Valoma 2:18

wako úmanyite shana malotelo ake Nnungu na úungila nkono shakwashi shivénavo mana makumene pakuva upundishigwidyé mulilamulo,

Valoma 1:2

wo walivikidile tangu kala kwaindila yavakulava vake nkati mumaandiko akwilimyanga

Nshuwau 5:39

Mwenu munkulambela mumaandiko mwaa nkati mwake mo mwona doni mundivanavo shingumi shíkamalilika; lolo lo ankunguumidya nangu ushuda,

Valoma 3:1

Napanelo muyuda ankuvanavo mana shani? Kwali kukumuligwa likumbi inkupagwa paida shani?