Valoma 2:22 - Ibibiliya mu Shimakonde Imbodi Yaambi na dimbande dya Imbodi Yakala

²² Wako útangola uleya kulavalava, me unkulavalava? Wako úvanyatila vannungu, me unkwivanga muding'ande dyave?

Valoma 2:22 Referans Kwoze

Mateu 12:39

Nae akavajang'ula kushidoni, “Ni imbula yaukalau na yakulavalava ijúgwa shimanyikilo. Havalodya munu shimanyikilo shinji ila ashilá shankúlava Janashi.

Tiyagu 4:4

Mmakulavalava! Da hamunamanya shinu kenga kupangana imbodi na shilambo ni umongo namu Nnungu? Álota ave mbwadimunu washilambo, nae ankulitenda kuva mmongo wake Nnungu.

Vitendo 19:37

Vanu vamuviidinavo ava havaivite vyombo vyamwing'ande yannungu wetu na ata havanankupulu shinu nnungu ajo.

Malukushi 11:17

na ashindapundisha aashidoni, “Da havaandike, ‘Ing'ande yangu indashamegwa ing'ande yakushwalidya venentete uti’? Kanji mwenu munditenda kuva shivava shavakwiva.”

Mateu 16:4

Eti vanu vaimbula yakunyata mitima na yakulavalava vajugwa shimanyikilo! Bai hashipali shimanyikilo shavalota kwona ila shimwe nkúlava Janashi.” Bai nae andívaleka kutwala kulyumadyanga kuka.

Valoma 12:9

Linagwaledyo live líkave shinankulaba. Vangedya ashilá shakunyata na kamulila ashilá shambone.