Valoma 2:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ wako úlikulupidile gwegwe umwene kuva nanangalaledi wavakalola, lilangadyo lya avalá vavéle mushii,

Valoma 2:19 Referans Kwoze

I Vakolintu 4:10

Wetu tuvajinga kwamwaa umwe Klistu kanji mwenu ni mmalimanyilo nkati mumwe Klistu! Wetu ni tuvakudabadabanga kanji mwenu ni mmadimongo! Mwenu ni mmakwishimika kanji wetu ni tuvakwiludyangika!

Nshuwau 9:34

Vayuda kutwala kushidoni, “Wako uvalakwididyé uti mmadambi; napanelo ulota utupundishe wetu?” Bai vanímminganga mushitala shakulipudidya.

Mateu 15:14

Valeke, vanavo ni vananagalaledi vakuputala mevo vavalangalaléla vakuputalamwave. Munu wakuputala akannangalalela wakuputalamwagwe, vanu avo uti vandagwilangila mulipondo.”

Mateu 6:23

Kanji liu lyako likava lilwele, mili wako uti shindaumbala shii. Napanelo lilangadyo mumili mwako likava shii, shii asho mwaa shani shilota kwilimyanga namene!

Mateu 5:14

Mwenu ni lilangadyo lyamushilambo na njini uvéle pashanya lishinga, haunapiika.

Vapilipo 2:15

pakulota dashi, muve mmanu múkave makosha na múkave ushapu, mmanavake Nnungu múkave malemba pakati paimbula yavanu vakukangadakanga na vakwashalanga, po pamulangala mwenu pakati pave kenga vyakulangala mushilambo

I Vakolintu 3:18

Hamunaliduwange, munu woewoe pakati penu akalyona kuva walimanyilo lyawakati au, inimmaikila alitende kuva njinga pakulota ave walimanyilo.

Vitendo 26:18

kwambangidya dashi, uvaungule mevo vashiliuke kushii vauke kulilangadyo, vaume mumadalaka amwe Shatwani vauke kumwe Nnungu pakulota vapate kulivalivigwa kwamadambi na vapate lyutu mushipinga sha avalá vailimyangígwa kwaindila yakungukulupila nangu.’

Lukashi 1:79

ivalangadye avalá vapágwa mushii na mukupela na itulangalalele mwindila yaamani.

Malukushi 10:15

Ninkumwaulila mwiu doni, aijá ákapwashalela utawala wa Nnungu kenga ndyoko, ajo mwiko hainjila shinu muutawala awo.”

Mateu 4:16

Venentete váshinama mushii, vandyona lilangadyo likumene vila ali, vanu váshinama mushilambo shashimbedi shiídanavo kupela, lindivamulikila lilangadyo.”

Valoma 2:18

wako úmanyite shana malotelo ake Nnungu na úungila nkono shakwashi shivénavo mana makumene pakuva upundishigwidyé mulilamulo,

Valoma 2:20

wako nkúpundisha wavajinga, mwalimu wavadyoko pakuva wako undivanavo mulilamulo mo wakikisho walimanyilo na umwiu.