Valoma 16:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Ninkunnaililila mmanung'unumunu pakulota mulishunge kwa avalá váidanavo kujavanikana na kuvika ligogo mapundisho amulipundishidye mwenu. Vaambukange vanu avo!

Valoma 16:17 Referans Kwoze

Yudashi 1:19

Ava ni vatádya kupagwe kwapukananga pakati penu, vanu vamakumbukililo ashivalakwelo na vákave Imumu.

II Vateshalonika 3:6

Napanelo tunkunnamulila mmanung'unumunu palina limwe Umu wetu Yesu Klistu doni, vaambukange vanung'unumunu vanáma shinamidyo shauwondo i kulingana na mavalelo avapatile kwalakela kwetu.

II Timoti 3:5

vavanavo ding'ope dyakunjopa Nnungu kanji akuno vaita dimongo dyake. Vanu avo, aapukananganavo.

Vakoloshu 2:8

Lilaledye, hanapagwe munu wakuntwala mateka atumila mang'amung'amu na kushang'apa kwamambinya kwodananavo mavalelo ashimunumunu na dimumu ditawála shilambo ashi kanji i kwodananavo Klistu.

Titu 3:10

Munu áidanavo kwapukanianga, ling'oto lyakunduma mwanda utandi na wambili, mwambukange

Vagalata 2:4

Ing'ano ai ishashambwike na vanung'unumunu vakushang'apa vainjidíle na malotelo ashipiipii. Vanavo vandílijalanianga kwida ndapalalesha unaiti wetu watuvenavo nkati mumwe Klistu Yesu kwambangidya vatuukenavo muutumwa.

I Timoti 1:3

Kulingana kenga mo mwandikulaililidile nguka ku Makedoniya, wako pagwa ku Epeshu pakulota uvalamulile vanu vanji havanapundishe mapundisho anji

Vapilipo 3:17

Mmanung'unumunu, ungana mutwale mungujedye na muvalole avalá vanáma kwakulinganana na mpano wamuvenavo mwenu kwetu wetu.

Mateu 18:7

Shipambale shilambo kwamwaa wavitendo vivatádya vanu vatege. Ngwengwe vyakunyata vivatádya vanu vatege vindaumilila napane apambale aijá álota kwidanavo vyakunyata avyo!

I Vakolintu 3:3

Doni, mpaka ambi mwenu ni mmanu mmashimunumunu mwaa paipagwa ing'ou na ing'ondo pakati penu, da hamunava shinu mmashimunumunu na hamunaodedya shinu malotelo ashimunumunu?

Vitendo 15:24

“Wetu tundigwa kenga pakati petu vandyuma vanu bila lilamulo lyetu kwida nantindinganianga na vitangodi vyave mpaka kuntadya mmanu kummilinganianga makumbukililo.

I Nshuwau 2:19

Vanavo vandilyumadyanga pakati petu kanji havavéle vetu wetu mwaa leka vàvele vetu wetu vakandipagwa namu wetu kanji vanavo vandilyumadyanga pakulota imanyike ngala kenga pakati pave wetu wetu hapagwíte ata jumo.

Mateu 18:17

Ikava kenga havaigwilila vanu avo, mmalangange kuliganisha. Ikava kenga navanavo havaigwilila momo, bai mmalangile kuva mmidi kwali nkúkatisha-ukodi.

I Vakolintu 11:18

Mwenu, shitandi ninkwigwa doni, pamukadyania kenga liganisha, pakati penu kunkupagwa kupambulananga. Kwaupande unji nangu ninkukulupila

Lukashi 17:1

Yesu kutwala kuvaulila vakwoda vake kushidoni, “Vyakunyata vitádya vanu kutega ngwengwe vindaumilila kanji apambale aijá álota kwidanavo vyakunyata avyo!

Mateu 7:15

“Lishunge kwavakulava vakushang'apa. Vanavo vankumwidila mwenu vàgwalenge magwogwe adingandolo kanji mmitima myave vàvele mavinji akukalipa.