Valoma 16:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Mupe nandele Tilipena namu Tiliposha vakongwe vankaléla Umu madengo. Mupe nandele wakunagwaleka Pelishide ákadile namene madengo nkati mumwe Klistu.

Valoma 16:12 Referans Kwoze

I Vakolintu 16:16

Doni, livike mwina mwavanu kenga ava na kula mmádengomwave ákola shimadengo shakupwateka.

I Vakolintu 15:58

Napavedoni mmanung'unumunu mmakunagwaleka, nanopa na hamunajagajege ngwengwe muumbaligwidye shimadengo shimwe Umu mumanya kenga nkati mwake Umu shimadengo shenu hashinava shinu shabule.

I Timoti 4:10

Ni ashi shitádya wetu tukole madengo akupwateka na tulikanyalidye pakuva tundivika lilindilililo lyetu kwa Nnungu mumi ávele Mwamboli wavanu uti kupunda namene kwavakukulupila.

I Vateshalonika 1:3

tukumbukila pamevo pamwe Nnungu, jo Tatagwetu, madengo enu alikulupililo, kulikanyalidya kwenu kwalinagwaledyo na kunanopa kwenu kwalilindilililo kumwe Umu Yesu Klistu

Vakoloshu 4:12

Epapalashi mwenentete mwenu na ntumika umwe Klistu Yesu, nanae momo ankuntumidya nandele. Nae ngwengwe ankulikanyalidya mukushwali kwaupande wenu mwenu pakulota mwimile mùudile na mùliikinidye mumalotelo uti ake Nnungu.

Vakoloshu 1:29

Kwashabaa ai, ninkukola shimadengo shakupwateka ngulikanyalidya kwodananavo shimadengo shake shikóla namene madengo nkati mwangu na dimongo.

I Vakolintu 15:10

Kanji kwaumonyo wake nae nguvelé kenga mo mwanguvalalele na umonyo wake kwangu nangu haunava shinu wabule. Leka apo, nangu nditenda madengo kuvapunda vanavo uti ila hangunava shinu nangu kanji umonyo wake Nnungu uvéle nkati mwangu.

Mateu 9:38

Napavedoni mwenu njugwe mwene mapuno pakulota avatumidye vamadengo mumapuno ake.”

Mateu 5:47

Namomo mukavaudyanga vanung'unumunu gweka, munkutenda shinu shani shikumene shipundíle apo? Da i mo mwavatandela vamidi?

Valoma 16:11

Mupe nandele nkwetu Elodiyau. Vape nandele valikola limwe Nalishishu vavéle nkati mumwe Umu.

Valoma 16:13

Mupe nandele Lupu nkútandalegwa nkati mumwe Umu pamo na anyoke àvele yadavo jujumunu wangu.