Valoma 16:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Mupe nandele Apeleshi munu ákubaligwidye nkati mumwe Klistu. Vape nandele valikola limwe Alishitobulu.

Valoma 16:10 Referans Kwoze

Valoma 14:18

Aijá ántumika doni Klistu, anánagwaleka namu Nnungu na kukubaligwa kwavanu.

I Patulu 1:7

pakulota kutenda nningo walikulupililo lyenu ikava kenga lìu. Likulupililo lyo liu lyo linkuvanavo mana makumene kuliko shaabu, shaabu itimbikánga ata ikava kenga vandatenda nningo pamoto; lyanavo lindaidanavo lutumbyango, lishangelo na ishima palota kulilodya Yesu Klistu.

I Timoti 3:10

Vovo vo shitandi momo vavatende nningo, ling'oto vatumike vakanaaneka likosha.

Vapilipo 2:22

Kanji napane mwenu mundimanya mana aanakanénge kwake nae mwaa kenga mwana na tatamunu, nae anditumika namu nangu muntenga wambone.

II Vakolintu 8:22

Tunkuntumidya napane pamo na vanavo nung'unumunu junji, jojo jo, myanda vyoe na kwadinamuna dyoe tunintenda nningo kutwala kumwona kuva munu átumbama namene kanji napane ankuvanavo dukuduku yoe kwamwaa walikulupililo lyavenavo kwenu mwenu.

II Vakolintu 2:9

Ni kwashabaa ai, nimwandikila mwenu pakulota nintende nningo wakummanya kenga kwali muvinu uti, munkuva mmakwigwilila.

I Vakolintu 11:19

mwaa indivaikila vipagwe vipinga pakati penu pakulota vakukubaligwa pakati penu vamanyike.

II Timoti 4:19

Mupe nandele Pilishila namu Akila pamo na vapaing'ande imwe Oneshipolu.

Valoma 8:11

Na ikava kenga Imumu umwe aijá ándyuwidye Yesu pakati pavakupela ankupagwa nkati mwenu, jo ándyuwidye Klistu pakati pavakupela andaing'a momo shingumi mili vyenu vyakupela kwaindila ya Imumu wake ápagwa nkati mwenu.

Valoma 16:3

Mupe nandele Pilishila pamo namu Akila vamadengomwangu nkati mumwe Klistu Yesu.

Valoma 16:7

Mupe nandele Andoloniku pamo namu Yuniya vakwetu na vavangu nkati mukungwa, vanu vamanyíke namene pakati pavamyombe na vanavo vatandi kupagwa nkati mumwe Klistu nangu nikanava.

II Vakolintu 5:17

Napavedoni, ikava kenga munu ankupagwa nkati mumwe Klistu, ajo ni shiumbi shaambi. Vyakala vindipita. Mwenu, viidilé vyaambi.

II Vakolintu 12:2

Nimmanya munu nkati mumwe Klistu, vyaka kumi na nsheshe vipitíle kunyuma, andítanduligwa mpaka kuwa kwantatu, kwali aukile na mili kwali haukile na mili hangumanyite, ámanya ni Nnungu.

Vagalata 1:22

Nangu muwakati awo hangushimanyika mumaganisha a ku Yudeya avéle nkati mumwe Klistu.