Valoma 15:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Nadoni kalibishania kenga Klistu mwenu aninkalibisha, tenda davo po kwalishangelo lyake Nnungu.

Valoma 15:7 Referans Kwoze

Mateu 10:40

“Ámpwashalela mwenu, angupwashalela nangu na ángupwashalela nangu, ampwashalela aijá ángutumididye.

Nshuwau 13:34

Ninkumupa lilamulo lyaambi; nagwaladyania. Mo mwaninnagwaladidye nangu mwenu, namwenu momo nagwaladyania.

Valoma 5:2

Kwaindila yake nae namomo wetu tundipata litala lyakwinjila kwalikulupililo muumonyo au watupagwa na tunkulitamangila mulilindilililo lyalishangelo lyake Nnungu.

Vaepeshu 1:18

alangadya mitima vyenu pakulota mumanye nyamani lilindilililo lyakushema kwake, nyamani kuumbaligwa kwalishangelo lyamaleko ake kwavakwilimyanga

Lukashi 9:48

kutwala kuvaulila kushidoni, “Woewoe álota kumpwashalela ndyoko kenga aju palina lyangu, angupwashalela nangu na woewoe álota kungupwashalela nangu, ampwashalela aijá ángutumididye. Jo álota kuva ndyoko pakati penu mwenu uti, bai jojo andava nang'olo.”

Malukushi 9:37

“Munu woewoe ámpwashalela mwana ndikidiki kenga aju palina lyangu nangu, angupwashalela nangu; woewoe ángupwashalela nangu i do angupwashalela nangu gweka, ankumpwashalela momo aijá ángutumididye.”

Lukashi 15:2

Kanji mapalishayo pamo namu vamwalimu vadishaliya kuntangadikanga vaashidoni, “Kumanya dashi, munu aju kuvapwashalela vakutega na kulyanavo!”

Vaepeshu 1:12

pakulota tupagwe kwakutumbyangilika kwalishangelo lyake, wetu tuvatandi túnkulupidile Klistu.

Valoma 15:9

kwambangidya vamidi vamupe lishangelo Nnungu kwamwaa washididi shake kenga indyandikigwa, “Napavedoni nangu ndakutumbyanga pakati pavamidi, ndaimba ngutumbyanga lina lyako.”

Nshuwau 6:37

Kula munu wangupa Atata andaida kwangu na aijá áida kwangu nangu, mwiko haninkumulanga.

Vakoloshu 3:13

Pililanila na ikava kenga jumo ankuvanavo shakukashali kwamunu junji, napane pakuva Umu aninnivaliva mwenu namwenu momo livalilanila.