Valoma 15:30 - Ibibiliya mu Shimakonde Imbodi Yaambi na dimbande dya Imbodi Yakala

³⁰ Ninkunnaililila mmanung'unumunu kwaindila imwe Umu wetu Yesu Klistu na kwalinagwaledyo lya Imumu doni, ling'e dimongo namu nangu mukushwali munjugwa Nnungu kwamwaa wangu

Valoma 15:30 Referans Kwoze

Vakoloshu 4:12

Epapalashi mwenentete mwenu na ntumika umwe Klistu Yesu, nanae momo ankuntumidya nandele. Nae ngwengwe ankulikanyalidya mukushwali kwaupande wenu mwenu pakulota mwimile mùudile na mùliikinidye mumalotelo uti ake Nnungu.

II Vakolintu 1:11

mwenu mutupwashela mukushwali kwenu kwambangidya dashi, vanu voe valambwalele kwaupande wetu kwamwaa walitananilo lyatupatile kwaindila yakushwali kwavanu voe.

I Vateshalonika 5:25

Mmanung'unumunu, tushwalidya nawetu momo.

II Vakolintu 4:11

Doni, wetu túpagwite mushingumi ngwengwe tunkujauligwa tupele kwamwaa umwe Yesu kwambangidya shingumi shake Yesu shililodye momo mumili vyetu vipéla.

II Vateshalonika 3:1

Kumwisho akuno mmanung'unumunu, tushwalidya wetu pakulota lilove limwe Umu lyandavale shipajelo na lipate ishima kenga mwaitandakadile pakati penu

Vapilipo 2:1

Napavedoni, ikava kenga kunkupagwa kwing'a ntima shii kwoekwoe nkati mumwe Klistu, ikava kenga kunkupagwa kupambadyanga kwoekwoe kwalinagwaledyo, ikava kenga unkupagwa upamo woewoe mu Imumu na ikava kenga linkupagwa lilotelo lyoelyoe na shididi,

Vakoloshu 2:1

Mwaa ninkulota mumanye ukumene shani wakulikanyalidya kwanguvenavo kwenu mwenu na kwa avalá vavéle ku Laudisheya pamo namu uti avalá vakanava kungwona ing'ope yangu

II Vakolintu 4:5

Mwaa hatunalivalanganga wewe tuvene kanji tummalanganga Yesu Klistu kuva Umu kutwala wetu kuva tuvatumwa venu kwamwaa umwe Yesu.

II Timoti 4:1

Ninkumya ushuda pamevo pake Nnungu na pamevo pake Klistu Yesu aijá álota kuvaukumu vangumi na vapadíle, ngulaililila kwakuumilila kwake na utawala wake,

Vakoloshu 1:8

na ni jojo átuvalangidile linagwaledyo lyenu nkati mu Imumu.

Vaepeshu 6:19

namomo mungujugwila nangu kwambangidya dashi ndikashimula ikanywa, ngupate malove pakulota ndivamanyiye vanu na ntima washinannume shipii shantenga wambone,

Vagalata 5:22

Kanji napane mapuno a Imumu ni linagwaledyo, lipuwilo, amani, kupililila, kutanana, wambone, kukulupilika,

II Vakolintu 12:10

Nadoni kwamwaa umwe Klistu, ninkupuwanga nkati mukudabadabanga, mukutukanigwa, mukuvauvanga, mukupapatigwa na mumatatisho. Mwaa panguva wakudabadabanga ni panguva wadimongo.