Valoma 15:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Kutwala Ishaiya nanae ankushidoni, “Lundapandukanga lushija kumwe Yeshe, lwanavo lundatakatuka kuvatawala vamidi, kwalwanavo, vamidi vandavika lilindilililo lyave.”

Valoma 15:12 Referans Kwoze

Mateu 12:21

Kwake nae vamidi vandavanavo lilindilililo.”

Maono 22:16

“Nangu Yesu nintumidya njelo wangu aide aumye ushuda wavinu avi kwenu mwenu mmaganisha. Nangu ni Ntipu na Udukulu umwe Daudi, Inondo Yalyalosho ing'ála.”

Maono 5:5

Kutwala jumo pakati pavanang'olo kungwaulila doni, “Haunalile! Lola, ntumi walikola limwe Yuda, ntipu umwe Daudi, nae anditema. Jojo jo, ankuulula kudingula shidingo sho na kunamatulanga dishelu dyake saba.”

I Vakolintu 15:19

Ikava kenga tunkuvanavo lilindilililo nkati mumwe Klistu mushingumi shosho ashi tu bai, wetu ni tuvanu túvaikidile twanangiligwe shididi kuliko vanu uti.

I Patulu 1:21

kwaindila yake nae mwenu munkunkulupila Nnungu ándyuwidye pakati pavakupela kutwala kumupa lishangelo; nadoni likulupililo alyo na lilindilililo lyenu linkupagwa nkati mu Nnungu.

II Timoti 1:12

Kwamwaa wavinu avi namomo ninkuvauvanga kanji hangunona dyoni mwaa nimmanya aijá waninkulupidile na ninkuvanavo wakika kenga nae ankuulula kushunga ashilá shangukulupidile mpaka muliduva alyo.

I Nshuwau 3:3

Kula munu ánanapela lilindilililo lyake nkati mwake nae, ankulyushanianga jo mwene ushapu kulingana kenga mo mwavalele nae ákave ushapu.