Valoma 12:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Hamunalipe wakunyata kwawakunyata. Lambela kutandedya wambone pamevo pavanu uti.

Valoma 12:17 Referans Kwoze

I Vateshalonika 5:15

Lilaledye shana kwenu mwenu hanapagwe woewoe wakunnipa muje wakunyata kanji ngwengwe vingilidya ashilá shambone kwaupande wenu mwemwe mmene kwali kwavanu uti.

Mateu 5:39

Napane nangu jo ninkumwaulila doni, hamunammikile makukulu nkalau. Woewoe ákukoma lilatuma kunkanakono, nshiliulile kunshanda.

I Patulu 3:9

Hamunalipilile wakunyata kwawakunyata, hamunalipilile kutukana kwakutukana kanji paikavele davo po, vaalaliye mwaa ni ashi shavanshamalele mwenu kwambangidya mupate kwalaligwa.

Valoma 12:19

Mmakunagwaleka, mwiko hamunalipilile kanji kulipilila lakela shitundi shake Nnungu mwaa indyandikigwa, “Kulipilila ni kwangu nangu; nangu ndalipilila, atangola Umu.”

I Patulu 3:16

Kanji tenda vinu avi kwaupole na kwaishima mushunga makumbukililo ambone amuntima kwambangidya dashi, avalá vantangóla mwenu kunyata kwamwaa washinamidyo shenu shambone shamupagwa nkati mumwe Klistu, vanavo vavenavo dyoni kwakuliula kwave.

I Vateshalonika 5:22

Apukananganavo inamuna uti yavyakunyata.

I Patulu 2:12

Shinamidyo shenu shive shashalowa pakati pavamidi; nadoni ata vakantambudyanga kutenda vyakunyata, pavalota kwona vitendo vyenu vyashalowa, vanavo vandamupa lishangelo Nnungu muliduva lyalota kulilodya.

Vakoloshu 4:5

Nama kwalimanyilo kwavanu vapanda, mutumila shana litala lyenu.

Valoma 14:16

Ashilá shambone kwenu, hamunavaleke vanu vanniulila.

I Timoti 5:14

Nadoni nangu ninkulota doni, vanamwili vali valombwe, vavenavo vanavave, vapange shana ding'ande dyave pakulota havanamupe litala mmongo lyakututangola kunyata.

I Vateshalonika 4:12

kwambangidya muname shalowa kwa avalá vapanda na hashinapagwe shakumwova.

Mateu 5:24

bai shinantandi leka yakumya yo uke ukaigwanenavo nung'unumunu jo, ling'oto uje wide umye shadaka shako.