Valoma 12:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Kumbukilanila mumo momo. Hamunalyone kanji ava tayali kulyunganianga namu avalá vailudyangíka. Hamunalyone mwemwe mmene kuva mmalimanyilo.

Valoma 12:16 Referans Kwoze

I Patulu 3:8

Kumwisho akuno ninkushidoni, avanavo makumbukililo amulolo, ava mmashididi, nagwaladyania shinung'unumunu, ava mmanu mmakutanana na mmakulishapeya.

Vabalaniya 13:5

Shinamidyo shenu hashinave shakunagwaledya njuluku ila puwangila ashilá shamuvenavo mwaa jo mwene Nnungu ankushidoni, “Mwiko handikuleka, mwiko handikwambukanga.”

Valoma 15:5

Napane Nnungu jo áing'a kulipililila na kupambadyanga, antadye mukumbukile shinu shosho pakati penu kwodananavo amulá mumwe Klistu Yesu

Valoma 12:3

Mwenu, kwaumonyo wangupatile ninkumwaulila kula munu pakati penu hanalikumbukile jo mwene kupunda amulá muvaikidíle alikumbukilile kanji nae alikumbukile kwabila kupundanianga kulinganananavo shipimo shalikulupililo shanjavidile Nnungu kula munu.

I Vakolintu 3:18

Hamunaliduwange, munu woewoe pakati penu akalyona kuva walimanyilo lyawakati au, inimmaikila alitende kuva njinga pakulota ave walimanyilo.

II Vakolintu 13:11

Kumwisho akuno mmanung'unumunu puwanga, dyuwangika, avanavo ntima shii, kumbukilila momo, nama kwaamani na Nnungu walinagwaledyo na waamani andapagwa namu mwenu.

Valoma 11:25

Mmanung'unumunu hangunalota shinu mutikinange shipii shangulota kutangola kwambangidya hamunave mmanu mmakulyona: kunanopa kwantima kúkawikidile popo kundivawikila vanaishilaeli mpaka kuumbaligwa kwavamidi kuwikile popo.

Lukashi 14:13

Kanji ukapanganianga shikukulu, valalike vamashikini, vakulamala, vákalola,

I Vakolintu 8:2

Aijá ákumbukila doni ankumanya shinu, mpaka ambi hanava kumanya mwashi muvaikidíle amanye.

I Vakolintu 6:5

Ninkwamba vinu avi pakulota nintae dyoni. Da hapali munu walimanyilo pakati penu wakuulula kwangangola myaa pakati pavanung'unuvake?

Vapilipo 4:2

Napanelo shandivajugwangila Evodiya namu Shintike ni shinu shimo shosho, vaigwanie nkati mumwe Umu.

I Vakolintu 4:10

Wetu tuvajinga kwamwaa umwe Klistu kanji mwenu ni mmalimanyilo nkati mumwe Klistu! Wetu ni tuvakudabadabanga kanji mwenu ni mmadimongo! Mwenu ni mmakwishimika kanji wetu ni tuvakwiludyangika!

Lukashi 6:20

Napanelo Yesu andíng'amula mevo ake kuvalola vakwoda vake kuvaulila kushidoni, “Mundyalaligwa mwenu mmamashikini, utawala wa Nnungu, wènu.

Mateu 26:11

Vákave pashinu vo, ngwengwe mundapagwanavo napane nangu, hangupagwa ngwengwe namu mwenu.

Mateu 11:5

Vakuputala mevo vankupata kulola, vakudidimanga madodo vankuwena, vamalemba vankuvatadya kutakata, vákaigwa vankwigwa, vakupela vankuvadyuwa na vamashikini vankuvalangangiligwa ntenga wambone.

I Patulu 5:3

hamunavatawale avalá vamuukile ndakulupiligwa kanji ava mpano kwashipinga asho.

Vapilipo 3:16

Napane ashilá shatuulwile, shosho sho twode.

Vapilipo 1:27

Shikumene nama muvaikidíle ntenga wambone umwe Klistu pakulota ndikaida nannola kwali ndikanaida, ngwigwe kwenu mwenu kenga munkunanopa mu Imumu jumo, kwaunapamo mulikanyalidya kwamakumbukililo amo lolo kwamwaa walikulupililo lyantenga wambone

I Vakolintu 1:10

Mmanung'unumunu, palina limwe Umu Yesu Klistu ninkunnaililila mwenu uti mwigwane na hakunapagwe kwapukananga pakati penu kanji ava mmakuungana nkati muding'anong'ano dimo dyodyo na mumakumbukililo amo lolo.

Vitendo 4:32

Napanelo imbumba ya avalá váshikulupila, ntima wavo uvele umo wowo; hapali munu ashona kenga ashilá shavenavo shàke mwene gweka kanji kula shinu shishiva shaupamo.

III Nshuwau 1:9

Ndyandikila liganisha: kanji Diotelepeshi munu ínannagwela namene ave nang'olo pakati pave, hanatwigwilila.

Valoma 6:2

Ata padyoko vela! Wetu túpadile kwalidambi tulota kuka dashi mushu tunama nkati mulidambi?

Valoma 11:20

Mwiu. Dyanavo vandipanyulanga kwamwaa waungakulupila wave, napane wako unkupagwa kwaindila yalikulupililo. Nadoni haunalitumbyange kanji jopa.