Valoma 12:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Mulilindilililo, puwanga. Mumauvilo, lipililile. Mukushwali, nanopa.

Valoma 12:12 Referans Kwoze

Valoma 15:13

Napane Nnungu walilindilililo amuumbadye lipuwilo uti pamo na amani nkati mukukulupila pakulota kwaindila yadimongo dya Imumu Wanashwe, muumbaligwe na lilindilililo.

Vabalaniya 10:36

Shivaikidíle kwenu mwenu ni kulipililila ling'oto lyakutandedya malotelo ake Nnungu mundapata ashilá shalivikidile

I Patulu 4:13

Kanji puwangila shipimo shamauvilo shamuliinjidyanga pamo namu Klistu kwambangidya palilota kuunukuligwa lishangelo lyake, namwenu momo mulitamange na mupuwange.

Tiyagu 5:7

Napavedoni mmanung'unumunu ava mmanu mmakulipililila mpaka kwida kumwe Umu. Nnole nkúlima mwanalindililila ulongo umye vyepo vyamana. Nae análipililila mpaka ulongo utanyele imbula itandi na yamwisho.

Vabalaniya 6:15

Ivédoni, ling'oto limwe Abulaamu kulindila kwaupole, nae andípata ashilá shaukile ndalivikila Nnungu.

Vabalaniya 6:12

kwambangidya hamunave mmawondo kanji vajedye avalá kwaindila yalikulupililo na kulipililila vandipata maleko akulivikila.

Vapilipo 4:4

Puwanga ngwengwe nkati mumwe Umu. Ninkuujila kavili nguushidoni, puwanga!

Vabalaniya 12:1

Napavedoni, pakuva nawetu momo inditutang'anedya imbumba ing'umene yamashuda ava, indituvaikila tulyulange uti vitudingadínga na lidambi litudingíla pakulota tutukute kwakulipililila kwamwaa wa alalá mashindano avikígwe mushu mwetu

Vakoloshu 4:2

Wena mushu munanopa mukushwali, muva mevo nkati mwake na mulambwalela,

II Vateshalonika 3:5

Napane Umu alangalele mitima vyenu vinanapele kulinagwaledyo lya Nnungu na kukulipililila kumwe Klistu.

I Vateshalonika 5:8

Wetu kanji túvele vamui tulipange tùgwete shikopa shalikulupililo na linagwaledyo na kenga shijulu shashitali, lilindilililo lyakwambolegwa.

Vitendo 1:14

Bai vanavo uti kwaunapamo vashindashwali; vashindashwalinavo Maliya anyoke Yesu na vanung'unuvake Yesu pamo na vakongwe vanji.

I Timoti 6:11

Kanji napane wako umunu wa Nnungu linyemye muvinu avyo. Vingilidya napane ishaliya, kunjopa Nnungu, likulupililo, linagwaledyo, lipililililo na upole.

Vabalaniya 10:32

Kanji napane kumbukila maduva matandi ling'oto lyakupata lilangadyo, mwenu mundilipililila ing'ondo ing'umene kwamauvilo,

Vakoloshu 4:12

Epapalashi mwenentete mwenu na ntumika umwe Klistu Yesu, nanae momo ankuntumidya nandele. Nae ngwengwe ankulikanyalidya mukushwali kwaupande wenu mwenu pakulota mwimile mùudile na mùliikinidye mumalotelo uti ake Nnungu.

Vakoloshu 1:11

munanawangika na dimongo uti kwodananavo dimongo dyalishangelo lyake kwakulipililila na kwaupole uti,

Vabalaniya 5:7

Yesu mumaduva anamile mushilambo amu, andílyumya mukushwali na mukujugwangila annamadikila pashanya po akuno alila anjugwa aijá áulula amwambole mukupela kutwala nae kumwigwa mwaa wakunjopa Nnungu.

Maono 13:10

Wavampangidile kutwaligwa mateka, mateka andatwaligwa. Wavampangidile kupela lyambila, lyambila andapela. Nadoni apa ni patakígwa kunanopa na kukulupila kwavakwilimyanga.

II Patulu 1:6

mulimanyilo nkati mukulishunga gwegwe umwene, mukulishunga gwegwe umwene nkati mukunanopa, mukunanopa nkati mukunjopa Nnungu,

Vabalaniya 3:6

kanji Klistu andikulupilika kenga mwana ávenavo madalaka amwing'ande uti ya Nnungu. Napane ing'ande yene yo, ni wetu ikava kenga tundashunga kwadimongo kukulupila kwetu na alilá lilindilililo lyatulitumbyangidya.

II Vateshalonika 1:4

ata mpaka wewe tuvene kulitamangila mwenu mmaganisha a Nnungu kwamwaa wakunanonopa kwenu na likulupililo lyenu mukupapatigwa na mumauvilo uti amulipililila.

I Vakolintu 13:13

Napanelo linkupagwa likulupililo, lilindilililo na linagwaledyo, vinu vitatu kanji avi uti shikumene ni linagwaledyo.

Valoma 15:4

Mwenu, uti avilá vyandikígwe kunantandi, vindyandikigwa pakulota vitupundishe kwambangidya dashi kwaindila yakulipililila na yakupambadyangigwa kwamaandiko tuvenavo lilindilililo.

Lukashi 21:19

Ni mwaa wakulipililila kwenu kwamulota kupata ungumi wenu.

Lukashi 8:15

Kanji imbeju igwilidíle paulongo wambone inkwitika kuva vanu vánatenda vakaigwa lilove lya Nnungu kuvikila kuntima wiu na kupa vyepo kwaindila yakulipililila.

I Patulu 4:7

Mwenu, mwisho wavinu uti undivandika. Nadoni lipange muding'ano dyenu, namomo ava mevo kwamwaa wakushwali kwenu.

Titu 2:13

akuno tulindila lilindilililo lyakutumbyangilika, kuumilila kwalishangelo lyake Nnungu nkumene Mwamboli wetu Yesu Klistu

Vakoloshu 1:27

Kwavanavo, Nnungu andyamuwa avatadye vamanye ukumene shani wamali alishangelo lyashipii ashi pakati pavamidi; shipii asho ni Klistu nkati mwenu, lilindilililo lyalishangelo.

Valoma 8:25

Napane pakuva tunkuvanavo lilindilililo lyashinu shatukona, tunkulindila na mweshe nkati muupole.

Titu 3:7

kwambangidya dashi, wetu tùvalangiligwe ishaliya kwaumonyo wake, tuve tuvakupata-maleko kwodananavo lilindilililo lyashingumi shíkamalilika.

II Timoti 3:10

Kanji napane wako undyodedya pepi-pepi mapundisho angu, shiwanedi shangu, nnugu wangu, likulupililo lyangu, kulipililila kwangu, linagwaledyo lyangu, kunanopa kwangu,

I Vateshalonika 1:3

tukumbukila pamevo pamwe Nnungu, jo Tatagwetu, madengo enu alikulupililo, kulikanyalidya kwenu kwalinagwaledyo na kunanopa kwenu kwalilindilililo kumwe Umu Yesu Klistu

Vapilipo 3:1

Napanelo kumwisho akuno mmanung'unumunu puwanga nkati mumwe Umu! Kumwandikila kavili mwenu malove lolo hashinangukamadyangidya shinu kwangu nangu ila shosho sho ni lishililidyo kwenu mwenu.

II Vakolintu 12:8

Ninjugwangila Umu myanda mitatu pakulota angunyemye miva awo

Valoma 2:7

Kwa avalá valóta kunanopa nkati mukutandedya wambone, valambéla lishangelo, ishima na ungapela, andavapa shingumi shíkamalilika

Vitendo 12:5

Bai Patulu àvele nkalaboshi, liganisha lishindashwali vanjugwa Nnungu na dimongo mwaa wake nae.

Vitendo 6:4

pakulota wetu apa ngwengwe tupagwe mukushwali na mukutumikila lilove.

Vitendo 2:42

Napanelo vanavo vashindangaikangila mapundisho avamyombe, upamo, kumajananga ligung'u na kushwali.

Lukashi 10:20

Mwenu hamunapuwange mwaa majini kumwishimu kanji puwanga mwaa mena enu andyandikigwa kuwa.”

Mateu 5:12

Litamange na puwangila mwaa inudyo yenu kuwa ko ing'umene. Amo nimomo mwavavatandalele vakulava mwenu mukanava.