Valoma 11:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ pakulota dashi, kwadinamuna dyoedyoe nguvatadye liloko vakwetu kwambangidya ndivaambole vanji pakati pave.

Valoma 11:14 Referans Kwoze

I Vakolintu 7:16

Gwe ndyamunu, da umanyité dashi kenga unamwambola nnume ntwavo? Kwali gwe ntwamunu, da umanyité dashi kenga unamwambola nkongwe ndyavo?

I Timoti 4:16

Lilaledye namene gwegwe umwene na mapundisho ako. Nanopa mwanavo mwaa pautenda davo po, undaliposha wako umwene pamo na avalá vakwigwilíla.

Titu 3:5

i kwamwaa wavitendo vyetu vyaishaliya vyatutandile kanji kwamwaa washididi shake, nae anditwambola kwaindila yakuukangigwa kwakuvalekwa kwaambi na kudyuwangigwa kwa Imumu Wanashwe

II Timoti 2:10

Napavedoni uti ninkulipililila kwamwaa wavakutandalegwa pakulota navanavo vapate kwambolegwa kupagwíte nkati mumwe Klistu Yesu pamo na lishangelo líkamalilika.

I Timoti 2:4

jo álota vanu uti vaambolegwe na vakawikile mulimanyilo lyakumanya umwiu.

I Vakolintu 1:21

Doni, kutunduvangila mo mulimanyilo lyake Nnungu shilambo hashuukile nammanya Nnungu kwaindila yalimanyilo, inínnagwela Nnungu kwaindila yaujinga aulá watuvalanganga wetu kuvaambola avalá vakulupidíle.

Valoma 11:11

Napavedoni ninkudya, da vandilikuvala pakulota vajale? Ata padyoko vela! Leka apo, kwaindila yakupujungula kwave kwambolegwa kundivawikila vamidi kwambangidya ivatadye vanaishilaeli vavenavo liloko.

Tiyagu 5:20

manya doni, aijá ámuujiya nkútega áambukenge indila yake, aju andaambola ungumi wamunu ajo mukupela na andaputangigwa madambi akwinjipa.

Valoma 9:3

Mwaa ndikandilota ata nene nimwene ngupate dilana na ngwapukanangenavo Klistu kwamwaa wavanung'unumunu vàvele vakwetu kwashimunu.

Pilemoni 1:12

Nimuujiya kwako wako nae ni ntima wangu nimwene.

Valoma 10:19

Kanji kavili ninkudya, da vanaishilaeli havaigwite shana? Shitandi Musha atédoni, “Nantadya muvavikile liloko avalá vákave venentete, venentete vákave limanyilo, nantadya muvavikile shitundi.”

I Vakolintu 10:33

kulingana mo mwandivanagwaladyedya nangu vanu uti muuti mene kulambela paida yangu kanji yavanu voe pakulota vaambolegwe.

I Timoti 1:15

Shitangodi ashi ni shakukulupilika na shindivaikila shiitikiligwe: doni, Klistu Yesu andida mushilambo ndavaambola vakutega, pakati pavakutega avo, nangu po, ni ngumamadidye.

II Timoti 1:9

aijá átwambwele na átushamile kwalishamelo lyakwilimyanga i kwamwaa washimadengo shetu kanji kwamwaa waishabaa yake jo mwene na umonyo watupatile nkati mumwe Klistu Yesu tangu wakati úkamalilika ukanava kupagwa

Vabalaniya 1:14

Da vanjelo uti havanava shinu dimumu ditumíka na ditumígwa pakulota divatumike avalá valóta kupata maleko akwambolegwa?

Vabalaniya 2:3

Napanelo tulota kupalanyoka dashi ikava kenga hatunatanana shinu kwambolegwa aku kukumene? Kwambolegwa aku kuvalangilígwe kunantandi namu Umu kutwala kuka ndaakikishiligwa kwetu wetu namu avalá vaigwíte