Valoma 10:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ Napane valota kuntambulanga dashi aijá wávakankulupidile? Na valota kunkulupila dashi aijá wávakamwigwite vammalanganga? Na valota kwigwa dashi akapali munu ávavalangangidile?

Valoma 10:14 Referans Kwoze

Titu 1:3

napane muwakati uvaikidíle nae andilodya mulilove lyake kwaindila yakuvalanganga lilove, ko kwangukulupilike nangu kwalilamulo lyake Nnungu, Mwamboli wetu,

Vabalaniya 11:6

Mwenu, kwabila likulupililo hayululika Nnungu kupuwanga mwaa aijá álota ammandike nae, inimmaikila akulupile kenga Nnungu jo apali na ankuvatudya avalá vannambéla.

Vitendo 8:31

Mwitiyope kushidoni, “Ngulota kumanya dashi akapali munu ánguvalangangila?” Bai nae apalá anínjugwangila Pilipo akwele mulingishi vaikale pamo.

Tiyagu 5:15

Nadoni kushwali kwalikulupililo kunkuntadya nnwele apone na Umu anantakatuwa. Namomo ikava kenga anditega, andalivalivigwa shimadambi shake.

II Timoti 4:17

Umu napane andípagwa namu nangu, akangupa dimongo pakulota dashi, kwaindila yangu nangu kuvalanganga kwalilove kutandeke-uti mpaka vamidi uti vaigwe. Namomo ndikaposhegwa nkanywa mwantumi

Vaepeshu 4:21

ikava kenga mwiu mwenu mundigwa itangaleka mwaa wake na mundipundishigwa nkati mwake kwodananavo umwiu upagwíte nkati mumwe Yesu aju,

Nshuwau 20:31

Avi vindyandikigwa pakulota mwenu mukulupile doni, Yesu ni Klistu Mwanagwe Nnungu na kwakunkulupila, mupate shingumi palina lyake.

Vitendo 19:2

nae kutwala kuvaudya, “Mwenu pamukulupidile po, munimpata Imumu Wanashwe?” Vanavo do, “Wetu ing'ano yene ya Imumu Wanashwe tukwigwa gwegwe.”

Valoma 1:5

Kwaindila yake nae tundipata umonyo na umyombe wakutadya pakati pavenentete uti kwigwilila kwalikulupililo kwamwaa walina lyake

Nshuwau 9:36

Munu jo kushidoni, “Nang'olo, da munu wene jo wakwashi kwambangidya nangu ninkulupile?”

Vaepeshu 2:17

Nae aidilé ndavalanganga amani kwenu mwenu mwe muvéle kushu na amani kwa avalá ve vavéle pepi;

Mateu 20:7

Vanavo kushidoni, ‘Hapali munu átupele madengo.’ Nae do, ‘Namwenu, wena koko kulishamba ko mukalime.’