Valoma 1:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Nadoni ninkuvanavo dukuduku yakuvalanganga ntenga wambone momo kwenu mwenu múvele ku Loma.

Valoma 1:15 Referans Kwoze

Valoma 15:20

Doni, shabaa yangu ni kuvalanganga ntenga wambone apalá pavakanava kwigwa lina limwe Klistu kwambangidya dashi, hangunadenge pashanya shitunduvangilo shamunu junji

I Vakolintu 9:17

Mwaa ndikavalanganga na malotelo angu nimwene, ninkuvanavo lidaka kanji napane ndikavalanganga kwabila malotelo angu, mpaka ambi ndikulupiligwa kushunga.

Mateu 9:38

Napavedoni mwenu njugwe mwene mapuno pakulota avatumidye vamadengo mumapuno ake.”

II Vakolintu 8:12

Mwaa ikapagwa dukuduku, nshango unkukubaligwa kwodananavo ashilá shavenavo munu i shakavenavo.

Valoma 12:18

Ikaululika na kwaupande wenu mwenu, nama kwaamani na vanu uti.

Vitendo 21:13

Kanji Paulu kutwala kushidoni, “Mwaa shani mwenu munkulila na munkungutaa shipalodi shoe muntima mwangu? Mwaa nangu apa i ngukubalidyé gweka kungwa kanji ata yakupela kwamwaa walina limwe Umu Yesu, ndikubali momo.”

Nshuwau 4:34

Yesu kuvaulila doni, “Shakulya shangu ni kutandedya malotelo ake aijá ángutumididye na kulinganianga shimadengo shake.

Malukushi 14:8

Nae atandilé shaulwile. Apakilé kaladavo mauta mumili wangu apanganianga mashiko angu.

Valoma 10:15

Na valota kuvalanganga dashi vakatumigwidye? Kenga indyandikigwa, “Kwalala dashi madodo a avalá vavalangánga ntenga wavinu vyambone!”