Vagalata 6:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Mmanung'unumunu, munu akapatikana mukupujungula kwoekwoe, mwenu mmaimumu mùvele mwimumu yakulishapeya, nningule munu ajo mulishunga kwambangidya namwenu momo hamunatubigwe.

Vagalata 6:1 Referans Kwoze

Valoma 15:1

Napanelo wetu tuvakunanopa po indituvaikila tulipililile kudabadabanga kwa avalá vákananopa na i pakulota itunagwele wewe tuvene.

II Vateshalonika 3:15

kanji hamunammalangilile kuva mmongo ila ndume kenga nung'unumunu.

II Timoti 2:25

avapundisha kwakulishapeya avalá vampínga nakapanji Nnungu andavapa kulijugulanga kwidanavo kumanya umwiu

I Nshuwau 5:16

Ikava kenga munu anamwona nung'unumunu atega lidambi líkamuukanavo kukupela, anjugwangile na Nnungu andamupa shingumi; andavapa avalá vaténda lidambi líkavaukanavo kukupela. Lipali lidambi livaúkanavo vanu kukupela, nadoni kwa alyo, hangunatangola shinu mwenu mujugwangile.

II Vakolintu 2:7

Nadoni paikave davo po, indivaikila munnivalive na mumpambadyange munu ajo pakulota hanatitimile mushipalodi shakumamodya.

Vabalaniya 12:13

Kandyanga dindila dive dyashalowa kwamadodo enu kwambangidya dashi, aijá wakukudaila hanamamodye kanji apone.

I Patulu 3:15

Leka apo, ntumbyange Klistu Umu kenga wakwilimyanga nkati mmitima vyenu. Ava tayali ngwengwe pakulota kunjang'ula aijá álota kunjugwa mwenu amanye mana alilindilililo lipagwíte nkati mwenu.

Valoma 14:1

Mwenu, aijá wakudabadabanga mulikulupililo mpwashalele kanji i kwakulota kutaukananganavo kwamwaa wamaoni.

I Vakolintu 10:12

Nadoni aijá áona kenga andinanopa, alilaledye kwambangidya hanagwe.

I Vakolintu 4:21

Da mulota nyamani? Ngwide kwenu na mishasha kwali na ntima walinagwaledyo na upole?

Tiyagu 3:2

Kwakutangola mwiu wetu uti tunkulikuvala mudinamuna dyoe. Ikava kenga munu hanalikuvala shinu kwashitangodi, munu ajo ankuva washalowa-uti, namomo ankuulula kutawala mili wake uti.

II Vakolintu 10:1

Mwenu, nene nangu Paulu ninkunjugwangila mwenu kwakulishapeya na kwaupole umwe Klistu, nene ngwaneka kuva wakulishapeya pangupagwa namu mwenu kanji ninkali ndikanapagwa.

Mateu 9:13

Wena mukalipundishe mana amalove ala, ‘Shangulota ni shididi i shadaka.’ Nangu hangwidile ndavashema vaishaliya ila vakutega.”

I Vakolintu 14:37

Ikava kenga munu ankulyona kuva nkúlava kwali kulyona kuva waimumu, amanye kenga vyanimwandikila avi, ni lilamulo lyake Umu.

I Vakolintu 7:5

Hamunaimane aki yenu kwali paikava yakwigwania muwakati padyoko pakulota muliikiniye mukushwali. Ling'oto imang'ananga kavili pakulota Shatwani hanantubye kwamwaa wakumwova kulishunga mwemwe mmene.

I Vakolintu 2:15

Aijá waimumu andáukumu vinu uti na jo mwene jo, hapali wakumuukumu.

Valoma 8:6

mwaa ding'anong'ano dyashimunumunu ni kupela napane ding'anong'ano dya Imumu ni shingumi na amani.

Mateu 11:29

Lyunge likangoti lyangu na lipundishe kwangu. Nangu ni wakulimaladya na wantima wakulishapeya na mwenu mundapata kupumula kwaungumi wenu.

Tiyagu 3:13

Wakwashi pakati penu walimanyilo na avénavo ding'ano? Bai alodye vitendo vyake kwaindila yamavalelo ake ambone atandeka kwabila makukulu nkati mulimanyilo.

Vabalaniya 13:3

Vakumbukile avalá vaungwídye kenga muungwidye pamo namu vanavo; namomo avalá vauvauvánga kwabila shaliya vakumbukile kenga mwenu momo mmamili.

Vagalata 5:23

kulishapeya, kulishunga gwegwe umwene. Pakati pavinu avi, halipali lilamulo.

I Vakolintu 3:1

Nangu mmanung'unumunu hanguulwile kutangola namu mwenu kenga mmanu mmaimumu kanji kenga mmanu mmashimunumunu, mmana mmadikidiki nkati mumwe Klistu.

Mateu 26:75

Patulu kukumbukilinneu malove atangwéle Yesu kushidoni, “Ng'uku akanava kukangavela wako unangukana myanda mitatu.” Nadoni nae andyúmila panda ndatumbula ing'uto.

Mateu 26:69

Napanelo Patulu andíikala mulugwani kutwala ntumika jumo mwali kumuukila ndamwaulila doni, “Nawako uvele pamo namu Yesu wa ku Galileya.”

Vagalata 6:18

Mmanung'unumunu, umonyo umwe Umu wetu Yesu Klistu upagwe na imumu yenu. Ame.

I Vateshalonika 4:1

Kumwisho akuno mmanung'unumunu tunkunjugwa na kunnaililila palina limwe Umu Yesu doni, kulingana kenga mo mwamupwashaladile kwetu wetu amulá muvaikidíle muname na munnagwele Nnungu kenga mwiu mwamutandela, bai wenanavo mushu mutandedya kupunda apo.

II Vakolintu 2:8

Napavedoni ninkunnaililila mulodye linagwaledyo lyenu kwake nae.