Vagalata 4:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Pakuva mwenu po mmana, Nnungu anintumidya Imumu wamwanagwe mmitima mmyenu; ni jojo áshema, “Aba! Atata!”

Vagalata 4:6 Referans Kwoze

Valoma 5:5

Mwenu, lilindilililo halinatutaa dyoni pakuva linagwaledyo lyake Nnungu lindimiminiligwa mmitima vyetu kwaindila ya Imumu Wanashwe wavatupele.

Valoma 8:9

Mwenu napane hamupali mushimunumunu kanji muvelé mu Imumu ikava kenga mwiu Imumu wake Nnungu ankunama nkati mwenu. Mwenu, munu ákavenavo Imumu umwe Klistu, jojo jo hanava shinu umwe Klistu.

Vapilipo 1:19

mwaa ndimanya kenga kwaindila yakushwali kwenu na lipwashalelo lya Imumu umwe Yesu Klistu, asho shindapa vyepo mukuunguligwa kwangu.

Vaepeshu 2:18

doni, kwaindila yake nae wetu tuvavili tunkuulula kumuukila Atata nkati mu Imumu jumo.

II Vakolintu 3:17

Mwenu, Umu ni Imumu na pashinu papagwite Imumu wake Umu, apo upali unaiti.

Vaepeshu 4:30

Hamunantae shipalodi Imumu Wanashwe wa Nnungu, jo wavannamatididye mwenu mpaka muliduva lyakwambola.

Yudashi 1:20

Kanji napane mwenu mmakunagwaleka, mulidenga nkati mulikulupililo lyenu lyakwilimyanga-uti, mushwalya nkati mu Imumu Wanashwe,

Nshuwau 16:7

Kanji napane ninkumwaulila mwiu uti doni, kudyanga nangu nguke mwaa ndikanauka, nkúpambadyanga jo hamwidila; nangu ndikauka, nantumidya nae.

Nshuwau 14:16

na nangu nanjugwa Atata na nae andamupa nkúpambadyanga junji aikale namu mwenu ngwengwe,

Lukashi 11:13

Bai ikava kenga mwenu mmanu mmakalau munkumanya kujaula vinu vyambone kuvapa vanavenu, Atata nimpomo nae kuwa ko, ananjaula Imumu Wanashwe kuvapa avalá vanjúgwa.”

II Vakolintu 1:22

ni jojo átutaile namakong'o na kutuvika Imumu wake mmitima vyetu kenga shinu shakwimididya.

Nshuwau 15:26

“Napanelo palota kwida aijá nkúpambadyanga wangulota kuntumidya kwaloka kumwe Atata, Imumu Waumwiu áalakela kumwe Atata, nae jo andaumya ushuda wangu nangu.

Lukashi 11:2

Yesu kushidoni, “Mukalota kushwali, kaashidoni, “ ‘Atata, lina lyako liilimyangike. Utawala wako wide.

Nshuwau 3:34

Aijá wantumididye Nnungu atangola malove ake Nnungu mwaa nae andimupa Imumu íkave shipimo.

I Patulu 1:11

Imumu umwe Klistu e apagwíte nkati mwave andyumya ushuda kaladavo avalanganga mauvilo alóta kumpata Klistu na lishangelo ling'oto lyamauvilo; vanavo vashindalambela vamanye Imumu ishimwamba nyani na wakati wene wo, wakwashi.

Vaepeshu 6:18

Kwakula inamuna yakushwali na kujugwa, shwali kula wakati mu Imumu. Kwadoni, ava mevo mulipililila uti mushwali muvajugwila vakwilimyanga uti

Maono 19:10

Napanelo ndígwilangila mmadodo mwake pakulota ngulipudye kwake kanji nae kushidoni, “Haunatende davo! Nangu ni ntumika kenga wako na kenga vanung'unumunu vavénavo likulupililo muushuda wake Yesu. Lipudye kumwe Nnungu! Mwaa ushuda ummalangánga Yesu ni imumu yakulava.”

Vaepeshu 1:13

Nkati mwake namwenu momo pamwigwite ntenga waumwiu, ntenga wambone wo umwambwéle; mwenu múnkulupidile nae, mundinamatiligwa kwa Imumu Wanashwe wakulivikila,

I Vakolintu 15:45

Kenga indyandikigwa, “Munu ntandi Adamu nae andyuka ndava ungumi unáma”; Adamu wamwisho aju, nae andyuka ndava imumu íng'a shingumi.

Vitendo 16:7

Pavawikile pa Mishiya, vandílingangila vauke ku Bitiniya kanji Imumu wake Yesu havalataléle vauke.

Nshuwau 7:39

Napane nae ashimwamba Imumu áshilota vampate avalá vankulupidíle mwaa muwakati awo Imumu jo vavele vakanava kumpata kwoda Yesu avele akanava kupata lishangelo.

Malukushi 14:36

Napane kushidoni, “Aba, Atata, vinu uti wako unkuulula. Nyemya luwene alu pamili pangu ila haunatende mwangulatela nangu, tenda mwaulatela wako umwene.”

I Vateshalonika 4:8

Napavedoni aijá áita avi, hanamwita munu kanji Nnungu ámupa Imumu wake Wanashwe.